59 Baphristi labakhulu nawo onkhe emalunga eNkantolo YemaJuda bebafuna bufakazi lobungemanga ngaJesu kuze bambulale.+ 60 Kodvwa ngisho nobe bekufika bofakazi bemanga labanyenti,+ abazange babutfole lobufakazi lebebabufuna. Ngekuhamba kwesikhatsi kwefika bofakazi lababili, 61 batsi: “Lomuntfu bekatsi: ‘Lelithempeli laNkulunkulu ngingalibhidlita futsi ngilakhe ngemalanga lamatsatfu.’”+

39 Bantfu lebebandlula lapho bebamedzelela,+ banikine tinhloko,+ 40 batsi: “Asewubuke! Wena watsi ungalibhidlita lithempeli futsi ulakhe ngemalanga lamatsatfu,+ tisindzise phela! Nangabe uyindvodzana yaNkulunkulu, yehla kulolugodvo!”*+

57 Labanye bebasukuma betfule bufakazi lobungemanga ngaye, batsi: 58 “Samuva atsi: ‘Ngitawudzilita lelithempeli lelakhiwe ngetandla, kutsi ngemuva kwemalanga lamatsatfu ngakhe lelinye lelingakentiwa ngetandla.’”+