Joshuwa
23 Kwatsi sekwendlule emalanga lamanyenti Jehova anikete ema-Israyeli kuphumula+ kuto tonkhe titsa tawo lebetiwatungeletile, ngesikhatsi Joshuwa asakhulile futsi asatakufa,+ 2 Joshuwa wabita onkhe ema-Israyeli,+ emadvodza lamadzala, tinhloko, behluleli kanye netikhulu+ watsi: “Sengimdzala kantsi futsi sengikhulile ngeminyaka. 3 Nitibonele matfupha konkhe loko Jehova Nkulunkulu wenu lanentele kona kuto tonkhe letive ngobe Jehova Nkulunkulu wenu nguye lobekanilwela.+ 4 Nginabele ngenkatho+ indzawo yaletive letisasele kutsi ibe lifa letive tenu,+ ngaphindze nganabela nendzawo yato tonkhe letive lengatibhubhisa+ kusukela eJordane kuye eLwandle Lolukhulu* lolusenshonalanga. 5 Jehova Nkulunkulu wenu nguye lobekachubeka atikhweshisa kini+ futsi anicoshela* tona, nabese nitsatsa live lato laba lifa lenu njengobe nje Jehova Nkulunkulu wenu anetsembisa.+
6 “Nyalo kufanele nibe nesibindzi, nigcine konkhe lokubhalwe encwadzini yeMtsetfo+ waMosi futsi nikwente, ngekutsi ningasuki kuko niye ngesekudla nobe ngesencele,+ 7 nangekutsi ningatihlanganisi naletive+ letisele emkhatsini wenu. Akukafaneli nikhulume ngisho nangemabito abonkulunkulu+ bato nobe nifunge ngabo futsi ningacali nibakhonte nobe nibakhotsamele.+ 8 Kodvwa nibonamatsela kuJehova Nkulunkulu wenu,+ njengobe benisolo nenta kuze kube ngulamuhla. 9 Jehova utawucosha tive letinkhulu naletinemandla embikwenu,+ ngobe kuze kube ngulamuhla kute umuntfu lokhonile kumelana nani.+ 10 Indvodza yinye kini itawucosha langu-1 000,+ ngobe Jehova Nkulunkulu wenu uyanilwela+ njengobe anetsembisa.+ 11 Ngako nibohlale nitigadzile+ ngekutsi nitsandze Jehova Nkulunkulu wenu.+
12 “Kodvwa nangabe nitamfulatsela futsi ninamatsele kuletive letisele,+ nendziselane nato, nitihlanganise nato,+ nato titihlanganise nani, 13 nibokwati kutsi Jehova Nkulunkulu wenu ngeke achubeke anicoshela letive.*+ Titawuba lugibe nesitsiyo kini, tibe siswebhu emihlane yenu,+ futsi tibe ngemanyeva emehlweni enu kuze kube ngulapho niphela kulelive lelihle Jehova Nkulunkulu wenu laninike lona.
14 “Nyalo sengitakufa* futsi nati kahle ngayo yonkhe inhlitiyo yenu nangawo wonkhe umphefumulo* wenu kutsi kute ngisho nalinye livi kuto tonkhe tetsembiso letinhle Jehova Nkulunkulu wenu latishito letingakafezeki. Tonkhe tigcwalisekile kini. Kute ngisho nalinye livi lelingakagcwaliseki.+ 15 Kodvwa njengobe tonkhe tetsembiso letinhle Jehova Nkulunkulu wenu latishito tigcwalisekile kini,+ ngako Jehova utaniletsela tonkhe tinhlekelele latsite utatiletsa* futsi anicotfule kulelive lelihle Jehova Nkulunkulu wenu laninike lona.+ 16 Nangabe nephula sivumelwane Jehova Nkulunkulu wenu laniyale kutsi nisigcine futsi nihambe niyokhonta labanye bonkulunkulu niphindze nibakhotsamele, intfukutselo yaJehova itanivutsela+ futsi nitawuphela ngekushesha kulelive lelihle laninike lona.”+