Hezekeli
28 Livi laJehova laphindze lefika kimi latsi: 2 “Ndvodzana yemuntfu, tjela umbusi waseThire utsi: ‘Naku lokushiwo yiNkhosi Lephakeme Jehova:
“Ngesizatfu sekutsi inhlitiyo yakho itikhukhumetile,+ futsi uyachubeka utsi: ‘Ngingunkulunkulu.
Ngihlala esihlalweni sebukhosi sankulunkulu ekhatsi nekhatsi nelwandle.’+
Kodvwa umane ungumuntfu nje, awusuye nkulunkulu,
Nanobe inhlitiyo yakho icabanga kutsi ungunkulunkulu.
3 Wena uhlakaniphe kwendlula Danyela.+
Kute timfihlo letingakembulwa kuwe.
4 Utente wanjinga ngekuhlakanipha kwakho nangekucondza kwakho,
Futsi uchubeka ubeka ligolide nelisiliva etindzaweni takho tekugcina umcebo.+
5 Likhono lakho ekutsengiseni lakuletsela umcebo lomnyenti,+
Futsi inhlitiyo yakho yatikhukhumeta ngenca yemcebo wakho.”’
6 “‘Ngako-ke naku lokushiwo yiNkhosi Lephakeme Jehova:
“Ngenca yekutsi utitjela kutsi ungunkulunkulu,
7 Ngikuletsela tihambi kuze timelane nawe, lokubantfu labanesibhuku kunabo bonkhe etiveni,+
Futsi titawuhoshula tinkemba tato ticedze kuhlakanipha kwakho
Futsi titawungcolisa nebuhle bakho.+
9 Utawuchubeka yini utsi, ‘ngingunkulunkulu,’ kuloyo loyawube akubulala?
Utawufana nemuntfu nje, hhayi nkulunkulu esandleni salabo labayokungcolisa.”’
10 ‘Wena utawufa njengemuntfu longakasoki etandleni tebantfu bekuhamba,
Ngobe mine lucobo lwami sengikhulumile,’ kusho iNkhosi Lephakeme Jehova.”
11 Livi laJehova laphindze lefika kimi latsi: 12 “Ndvodzana yemuntfu, hlabela ingoma yekulila mayelana nenkhosi yaseThire, futsi uyitjele naku: ‘INkhosi Lephakeme Jehova itsi:
“Wena bewungumfanekiso wentfo lengenasici,
13 Bewuse-Edeni, lokuyingadze yaNkulunkulu.
Bewuhlotjiswe ngalo lonkhe luhlobo lwelitje leliligugu,
Irubhi, ithophazi, ijasiphi; ikhrisolithe, i-oniksi, ijeyidi; isafire, ithekhosi,+ nesimaragidu;
Futsi tintfo tekunamatsisela talemihlobiso betakhiwe ngeligolide.
Kwakhiwa ngelilanga lowadalwa ngalo.
14 Ngakubeka kutsi ube likherubhi leligcotjiwe lelivule timphiko.
Bewusentsabeni yaNkulunkulu lengcwele,+ futsi bewuhambahamba emkhatsisini wematje lavutsako.
15 Bewute liphutsa endleleni lebewenta ngayo tintfo, kusukela ngelilanga lowadalwa ngalo
Kwaze kwaba ngulapho ucala kwenta lokungakalungi.+
Ngako ngitakulahlela ngaphandle kwentsaba yaNkulunkulu njengalongcolile, futsi ngikubhubhise,+
Wena kherubhi lelivule timphiko, ngikulahlele khashane nalamatje emlilo.
17 Inhlitiyo yakho yatikhukhumeta ngenca yebuhle bakho.+
Ludvumo lwakho lwakona kuhlakanipha kwakho.+
Ngitakulahlela phansi emhlabatsini.+
Ngitawubukisa ngawe embikwemakhosi.
18 Ngenca yetono takho letinyenti nangenca yekungetsembeki kwakho nawutsengisa, ungcolise tindzawo takho letingcwele.
Ngitawubangela umlilo kutsi uphume kuwe futsi ukushwabadzele.+
Ngitakwenta ube ngumlotsa emhlabatsini, embikwabo bonkhe labakubukile.
19 Bonkhe bantfu lebebakwati batakubuka bamangele.+
Kubhujiswa kwakho kutakwenteka ngekushesha futsi kube kubi kakhulu,
Angeke uphindze ube khona kuze kube phakadze.”’”+
20 Livi laJehova laphindze lefika kimi latsi: 21 “Ndvodzana yemuntfu, bhekisa buso bakho eSidoni,+ bese uphrofetha ngalokumelene nayo. 22 Kufanele utsi: ‘Naku lokushiwo yiNkhosi Lephakeme Jehova:
“Awu Sidoni, ngimelene nawe, futsi ngitawungcweliswa emkhatsini wakho;
Bantfu batawukwati kutsi mine nginguJehova nangikhipha sehlulelo eSidoni futsi ngingcweliswa kuyo.
23 Ngitawutfumela sifo lesibulalako kulelive futsi kutawugeleta ingati etitaladini talo.
Inkemba itawuchamuka kuto tonkhe tinhlangotsi ibulale bantfu labanyenti;
Futsi batawukwati kutsi mine nginguJehova.+
24 “‘“Bantfu baka-Israyeli angeke baphindze batungeletwe ngemanyeva layingoti nalanesitfozi,+ lokungulabo labahlekisa ngabo; futsi bantfu batawukwati kutsi mine nginguJehova iNkhosi Lephakeme.”’
25 “‘Naku lokushiwo yiNkhosi Lephakeme Jehova: “Ngitawukwenta tive tibone kutsi nginguNkulunkulu longcwele,+ nangiphindze ngibutsisa ndzawonye bantfu baka-Israyeli labasetiveni labahlakatekela kuto.+ Ema-Israyeli atawuhlala eveni lawo+ lengaliniketa inceku yami Jakobe.+ 26 Atawuhlala ngekulondzeka,+ akhe tindlu, ahlanyele nemasimu emagilebisi,+ futsi atawube alondzekile nangikhipha sehlulelo kubo bonkhe labo labawatungeletile labawedzelelako;+ futsi atawukwati kutsi mine nginguJehova Nkulunkulu wawo.”’”