Ezra
8 Nalu luhla lwemindeni yetinhloko tetindlu letahamba nami nangisuka eBhabhulona ngesikhatsi sekubusa kweNkhosi Athazeksesi:+ 2 emadvodzaneni aFinehasi,+ bekunaGeshomu; emadvodzaneni a-Ithamari,+ bekunaDanyela; emadvodzaneni aDavide, bekunaHathushi; 3 emadvodzaneni aShekhaniya, lobekavela emadvodzaneni aPharoshi, bekunaZakhariya, futsi bekanemadvodza langu-150 labhaliswa naye; 4 emadvodzaneni aPhahathi-mowabi,+ bekuna-Eliyoyenayi indvodzana yaZerahiya, futsi abehamba nemadvodza langu-200; 5 emadvodzaneni aZathu,+ bekunaShekhaniya indvodzana yaJahaziyeli, futsi bekahamba nemadvodza langu-300; 6 emadvodzaneni a-Adini,+ bekuna-Ebedi indvodzana yaJonathani, futsi bekahamba nemadvodza langu-50; 7 emadvodzaneni a-Elamu,+ bekunaJeshaya indvodzana ya-Athaliya, futsi bekahamba nemadvodza langu-70; 8 emadvodzaneni aShefathiya,+ bekunaZebadiya indvodzana yaMikhayeli, futsi bekahamba nemadvodza langu-80; 9 emadvodzaneni aJowabe, bekuna-Obadiya indvodzana yaJehiyeli, futsi bekahamba nemadvodza langu-218; 10 emadvodzaneni aBani, bekunaShelomithi indvodzana yaJosifiya, futsi bekahamba nemadvodza langu-160; 11 emadvodzaneni aBebayi,+ bekunaZakhariya indvodzana yaBebayi, futsi bekahamba nemadvodza langu-28; 12 emadvodzaneni a-Azgadi,+ bekunaJohanani indvodzana yaHakhatani, futsi bekahamba nemadvodza langu-110; 13 emadvodzaneni a-Adonikamu,+ bekuna-Elifeleti, Jeyiyeli naShemaya, lababa bekugcina, futsi bebahamba nemadvodza langu-60; 14 emadvodzaneni aBikvayi,+ bekuna-Uthayi naZabudi futsi bebahamba nemadvodza langu-70.
15 Ngabahlanganisa ndzawonye emfuleni logeletela e-Ahava,+ futsi sahlala lapho emalanga lamatsatfu. Kodvwa ngatsi nangihlolisisa labantfu kanye nebaphristi, ngangakhandzi ngisho namunye umLevi. 16 Ngako ngatsi akulandvwe Eliyezeri, Ariyeli, Shemaya, Elnathani, Jaribi, Elnathani, Nathani, Zakhariya, naMeshulamu, lebebangemadvodza laholako, kanye naJoyaribi na-Elnathani lebebabafundzisi. 17 Ngabese ngibatfuma ku-Ido longumholi endzaweni lokutsiwa yiKhasifiya. Ngatsi abatjele Ido nabomnakabo, lebebatisebenti tasethempelini* eKhasifiya, kutsi abasiletsele bantfu labatawuba tinceku tendlu yaNkulunkulu wetfu. 18 Ngenca yekutsi Nkulunkulu wetfu bekasisekela, basiletsela Sherebiya,+ indvodza lehlakaniphile levela emadvodzaneni aMahali+ umtukulu waLevi loyindvodzana ya-Israyeli, baletsa nemadvodzana akhe kanye nabomnakabo. Sebabonkhe bebangemadvodza langu-18. 19 Baletsa naHashabiya lobekahamba naJeshaya futsi bebangemaMerari,+ baletsa nabomnakabo nemadvodzana abo. Sebabonkhe bebangemadvodza langu-20. 20 Bekunetisebenti tasethempelini letingu-220, futsi tonkhe tatibhaliswe ngemagama ato. NguDavide kanye netindvuna labanikela ngaletisebenti kutsi tiyosita emaLevi.
21 Ngemuva kwaloko ngamemetela kutsi kuzilwe kudla emfuleni i-Ahava, kute sititfobe embikwaNkulunkulu wetfu, sicele sivikelo sakhe mayelana neluhambo lwetfu, tsine nebantfwana betfu kanye nato tonkhe tintfo tetfu. 22 Bengesaba kucela inkhosi kutsi isinike emasotja nalabagibela emahhashi kute basivikele etitseni tetfu nasisendleleni, ngobe sasitsite enkhosini: “Nkulunkulu wetfu uyabasekela bonkhe labamfunako,+ kodvwa emandla akhe nentfukutselo yakhe kumelene nabo bonkhe labo labamshiyako.”+ 23 Ngako sazila kudla saphindze sacela Nkulunkulu kutsi asivikele, futsi wasilalela sicelo setfu.+
24 Ngakhetsa baphristi labaholako labangu-12, boSherebiya naHashabiya+ kanye nabomnakabo labangu-10. 25 Ngabese ngikala lisiliva neligolide kanye netitja embikwabo, lokungumnikelo inkhosi nebeluleki bayo netindvuna tayo kanye nawo onkhe ema-Israyeli labekakhona lapho lebebawunikelele indlu yaNkulunkulu wetfu.+ 26 Ngemuva kwekukukala, ngabanika lisiliva lelingemakhilogremu langu-22 230,* titja telisiliva letingu-100 letinesisindvo lesingemakhilogremu langu-68,* ligolide lelingemakhilogremu langu-3 420, 27 tindishi letincane teligolide letingu-20 letibita tinhlavu letingu-1 000 temali yeligolide yasePheresiya,* titja letimbili telitfusi lelicwebetelako, futsi lelimanyatelako, letiligugu njengeligolide.
28 Ngemuva kwaloko ngatsi kubo: “Nine ningcwele kuJehova,+ naletitja tingcwele, futsi lelisiliva naleligolide kungumnikelo wekutitsandzela kuJehova Nkulunkulu wabokhokho benu. 29 Kulondvoloteni kahle nize nikukale emakamelweni* endlu yaJehova eJerusalema, phambi kwebaphristi labaholako nakumaLevi laholako+ kanye netindvuna tebaholi betindlu taka-Israyeli.” 30 Baphristi nemaLevi batsatsa lelisiliva naleligolide kanye naletitja letikalwe phambi kwabo, kute batiyise eJerusalema endlini yaNkulunkulu wetfu.
31 Ekugcineni sesuka emfuleni i-Ahava+ ngelilanga lesi-12 enyangeni yekucala+ saya eJerusalema, futsi Nkulunkulu wetfu waba natsi, wasivikela etitseni tetfu nasetigebengwini. 32 Ngako sefika eJerusalema+ sahlala khona emalanga lamatsatfu. 33 Ngelilanga lesine, sakala lelisiliva neligolide kanye naletitja endlini yaNkulunkulu wetfu+ futsi sakunika Meremothi+ indvodzana ya-Urija umphristi, lobekana-Eliyezeri indvodzana yaFinehasi, futsi bebanaJozabadi+ indvodzana yaJeshuwa naNohadiya indvodzana yaBinuwi,+ lebebangemaLevi. 34 Tonkhe letintfo tabalwa futsi takalwa, sisindvo sako konkhe sabhalwa phansi. 35 Labo lebebabuya ekutfunjweni baletsa iminikelo yekushiswa kuNkulunkulu wema-Israyeli, tinkunzi letingu-12+ tawo onkhe ema-Israyeli, timvu letindvuna letingu-96,+ timvu letindvuna letisetincane letingu-77, netimbuti letindvuna letingu-12+ letaba ngumnikelo wesono; konkhe loku kwaba ngumnikelo wekushiswa loya kuJehova.+
36 Ngemuva kwaloko saniketa labamelele inkhosi*+ kanye nebabusi besifundza lesisenshonalanga yeYufrathe*+ imitsetfo yenkhosi, futsi babasekela labantfu kanye nendlu yaNkulunkulu weliciniso.+