Joweli
3 “Ngobe ngalawo malanga nangaleso sikhatsi,
Nangibuyisa bantfu labatfunjiwe bakaJuda nebaseJerusalema,+
2 Ngitawuphindze ngibutsise ndzawonye tonkhe tive
Ngitawutehlulela kuleyo ndzawo+
Ngenca yebantfu bami kanye nesive lesilifa lami ema-Israyeli,
Ngobe tabasakatela etiveni,
Futsi tehlukaniselana live lami.+
3 Tishayela bantfu bami inkatho,+
Titsengisa ngemfana kute ticashe ingwadla
Futsi titsengisa intfombatana kute titfole liwayini.
4 Naku lokunye, ikhona yini inkinga leninayo nami,
Wena Thire nawe Sidoni kanye nato tonkhe tifundza temaFilisti?
Niyatiphindziselela yini kimi?
5 Ngesizatfu sekutsi nitsetse lisiliva lami neligolide lami,+
Futsi umcebo wami lomuhle kakhulu niwumikise emathempelini enu;
6 Futsi nitsengise bantfu bakaJuda nebaseJerusalema kumaGriki,+
Kute nibasuse nibayise khashane nendzawo yabo;
7 Nyalo ngiyabakhutsata kutsi babuye endzaweni lenabatsengisa kuyo,+
Futsi nitawubhadala ngekuphila kwenu.*
8 Ngitawutsengisa emadvodzana enu nemadvodzakati enu kubantfu bakaJuda,+
Futsi bona batawatsengisela bantfu baseSheba, lokusive lesikhashane;
Ngobe Jehova ukhulumile.
9 Memetelani etiveni nitsi:+
‘Tilungiseleleni* imphi! Nyakatisani emadvodza langemachawe!
Onkhe emasotja akasondzele, akachubekele phambili!+
10 Shintjani emakhuba enu abe tinkemba, nishintje netikelo tenu tekutsena tihlahla tibe tikhali.
Umuntfu lote emandla akatsi: “Nginemandla.”
11 Wotani nitewusita, nonkhe nine tive letibomakhelwane, butsanani ndzawonye!’”+
Awu Jehova, yehlisela libutfo lakho lelinemandla kuleyo ndzawo.
12 “Tive ativuswe futsi atikhuphukele eSihosheni* saJehoshafati;
Ngobe ngitawuhlala lapho ngehlulele tonkhe tive letibomakhelwane.+
13 Fakani lisikela ngobe emagilebisi asalungele kuvunwa.
Yewukani futsi niwagcobagcobe ngobe litje lekuhlutela liwayini seligcwele.+
Timbita teliwayini setigcwele tiyaphuphuma ngobe bubi sebandze kakhulu.
14 Kuneticumbi, ticumbi letinkhulu esihosheni* sesincumo,
15 Lilanga nenyeti kutawuba mnyama,
Netinkhanyeti angeke tisakhanyisa.
16 Jehova utawubhodla aseSiyoni,
Utawumemeta aseJerusalema.
Lizulu nemhlaba kutawutamatama;
Kodvwa Jehova utawuba yindzawo yekukhosela yebantfu bakhe,+
Nendzawo levikelekile yebantfu baka-Israyeli.
17 Nitawukwati kutsi nginguJehova Nkulunkulu wenu, lohlala eSiyoni, intsaba yami lengcwele.+
18 Ngalelolanga tintsaba titawuntfontsa liwayini lelinongotelako,+
Emagcuma atawugeleta lubisi,
Futsi yonkhe imifula yakaJuda itawugeleta emanti.
Siyalu sitawusukela endlini yaJehova,+
Futsi sitawunisela Sihosha Setihlahla Temgamba.
19 Kodvwa iGibhithe itawusala itindzala,+
Ne-Edomu itawuba lihlane lelite lutfo,+
Ngenca yebudlova lobentiwa kubantfu bakaJuda,+
Lapho kucitfwa khona ingati lengenacala.+
20 Kodvwa kaJuda kutawuhlala kunebantfu,
NaseJerusalema kutawuhlala bantfu, titukulwane ngetitukulwane.+