Sembulo Lesembulelwa Johane
1 Lesi sembulo saJesu Khristu, Nkulunkulu lamnika+ sona kuze akhombise tinceku takhe+ tintfo letitawenteka masinyane. Watfuma ingilosi yakhe, wasiletsa ngayo encekwini yakhe Johane+ asebentisa tibonakaliso. 2 Johane wafakaza ngelivi laNkulunkulu nangebufakazi baJesu Khristu, futsi wafakaza nangato tonkhe tintfo latibona. 3 Uyajabula loyo lowafundza ngelivi lelivakalako emavi alesiphrofetho, bayajabula nalabo labawevako futsi bagcine tintfo letibhalwe kuso,+ ngobe sikhatsi lesibekiwe sesisondzele.
4 Mine Johane ngibhalela emabandla+ langu-7 lasesifundzeni sase-Asiya:
Shengatsi ningemukela umusa lomkhulu kanye nekuthula lokuvela “kuLoyo lokhona, lobekakhona, futsi lotako,”+ nasemimoyeni lengu-7+ lesembikwesihlalo sakhe sebukhosi, 5 nakuJesu Khristu “longuFakazi Lowetsembekile,”+ “longuwekucala kuvuswa kulabafile,”+ “nalonguMbusi wemakhosi emhlaba.”+
Kuloyo lositsandzako+ nalowasikhulula etonweni tetfu ngengati yakhe,+ 6 wasenta saba ngumbuso+ nebaphristi+ kuNkulunkulu longuBabe, akube yinkhatimulo nemandla kuze kube phakadze. Amen.
7 Uta ngemafu,+ futsi onkhe emehlo atambona, nalabo labamgwaza batambona; tonkhe tive temhlaba titawulila ngenca yakhe.+ Yebo akube njalo, Amen.
8 Jehova* Nkulunkulu utsi: “Mine ngingu-Alfa na-Omega,*+ Loyo lokhona, lobekakhona, futsi lotako, longuSomandla.”+
9 Mine Johane umzalwane wenu, lohlanganyela nani ekuhluphekeni,+ embusweni+ kanye nasekuciniseleni+ ebunyeni naJesu,+ bengisesihlengeni* lokutsiwa yiPhatmose ngenca yekukhuluma ngaNkulunkulu nangekufakaza ngaJesu. 10 Ngekuphefumulelwa ngumoya, ngaba selangeni leNkhosi, futsi emvakwami ngeva livi lelikhulu lelifana nemsindvo welicilongo, 11 litsi: “Loku lokubonako kubhale emculwini bese ukutfumela emabandleni langu-7: Lase-Efesu,+ laseSmuna,+ lasePhegamu,+ laseThiyathira,+ laseSadesi,+ laseFiladelfiya+ kanye nelaseLawodisiya.”+
12 Ngagucuka kuze ngibone kutsi ngubani lona lobekakhuluma nami, futsi ngatsi nangigucuka ngabona tintsi tetibane letingu-7 teligolide,+ 13 emkhatsini waletintsi bekunalotsite lonjengendvodzana yemuntfu,+ agcoke ingubo lefika etinyaweni, abophe nelibhande leligolide esifubeni sakhe. 14 Ngetulu kwaloko, tinwele letisenhloko yakhe betimhlophe njengeboya lobumhlophe nanjengesitfwatfwa, nemehlo akhe afana nelilangabi lelikhulu lemlilo,+ 15 tinyawo takhe betifana nelitfusi+ lelicwebetela emlilweni lomkhulu, nelivi lakhe lifana nemsindvo wemanti lamanyenti. 16 Esandleni sakhe sangesekudla bekunetinkhanyeti letingu-7,+ emlonyeni wakhe bekuphuma inkemba+ lekhaliphako, lendze, futsi lesika nhlangotsi totimbili, nebuso bakhe bebufana nelilanga nalikhanya kakhulu.+ 17 Ngatsi nangimbona, ngawela ngasetinyaweni takhe ngaba njengalofile.
Yena wabeka sandla sakhe sangesekudla kimi, watsi: “Ungesabi. Mine ngiWekucala+ neWekugcina,+ 18 ngingulophilako,+ futsi ngafa,+ kodvwa nyalo sengiphila phakadze naphakadze,+ futsi nginetikhiya tekufa neteliThuna.*+ 19 Ngako tibhale phansi letintfo lotibonile, netintfo letikhona kanye naleto letitawenteka ngemuva kwaleti. 20 Ngulena imfihlo lengcwele yetinkhanyeti letingu-7 lotibone esandleni sami sangesekudla, neyetintsi tetibane letingu-7 teligolide: Tinkhanyeti letingu-7 timelela tingilosi temabandla langu-7, netintsi tetibane letingu-7 timelela emabandla langu-7.+