Yekucala KubaseKhorinte

13 Nangabe ngikhuluma ngetilwimi tebantfu netetingilosi, kodvwa ngibe ngite lutsandvo, ngisuke ngifana nensimbi lekhencetako nobe isimbali* lencencetsako. 2 Nangabe nginesiphiwo sekuphrofetha, ngiticondza tonkhe timfihlo letingcwele kanye nalo lonkhe lwati,+ futsi nginekukholwa lokucinile kangangekutsi ngingasusa* tintsaba, kodvwa ngibe ngite lutsandvo, ngisuke ngingasilutfo.*+ 3 Nangabe konkhe lenginako ngikupha labanye,+ futsi nginikela ngemtimba wami kuze ngitigabatise, kodvwa ngibe ngite lutsandvo,+ angizuzi lutfo.

4 Lutsandvo+ luyabeketela+ futsi lunemusa.+ Lutsandvo lute umona,+ alutigabatisi, alutikhukhumeti,+ 5 alutiphatsi ngendlela lehlazisako,+ alutifuneli kwalo,+ alucansuki.+ Lute emagcubu.+ 6 Alujatjuliswa kungalungi,+ kodvwa lujatjuliswa liciniso. 7 Lucinisela kuto tonkhe tintfo,+ lukholwa ngito tonkhe tintfo,+ lwetsemba tonkhe tintfo,+ lubeketelela tonkhe tintfo.+

8 Lutsandvo angeke luphele nanini. Kodvwa nangabe kunetiphiwo tekuphrofetha, titawucedvwa; nangabe kunetilwimi,* titawuphela; nangabe kunelwati, lutawucedvwa. 9 Sati incenye+ futsi siphrofetha incenye; 10 kodvwa nakufika loko lokuphelele, loku lokuyincenye kutawucedvwa. 11 Ngesikhatsi ngisengumntfwana, bengikhulumisa kwemntfwana, ngicabangisa kwemntfwana, ngisebentisa ingcondvo njengemntfwana; kodvwa nyalo njengobe sengiyindvodza, sengitiyekele tindlela tebuntfwana. 12 Kwanyalo sibona kalufifi ngesibuko sensimbi, kodvwa ngaleso sikhatsi sitawube sesibona kahle kube shengatsi sibona umuntfu buso nebuso. Nyalo ngati incenye, kepha ngaleso sikhatsi ngitawukwati kahle* njengobe nami ngatiwa kahle. 13 Kodvwa nyalo kusele loku lokutsatfu: kukholwa, litsemba, nelutsandvo. Kepha lokubaluleke kakhulu kuko konkhe lutsandvo.+