Tihlabelelo

84 Maye ngiyalitsandza lithende lakho lelikhulu lekukhontela,+

Awu Jehova wemabutfo!

 2 Ngiyalangatelela,

Sengize ngibutsakatsaka solo ngilangatelela

Emabala endlu yaJehova.+

 3 Ngisho netinyoni titfola indzawo yekuhlala endlini yakho,

Nenkonjane itakhela sidleke sayo lapho,

Kute ihlale nemazini ayo

Eceleni kweli-al’thare lakho lelikhulu, wena Jehova wemabutfo,

LonguNkulunkulu wami neNkhosi yami.

 4 Bayajabula labo labahlala endlini yakho,+

Ngobe bahlale bakudvumisa.+ (Sela)

 5 Bayajabula bantfu labatfola emandla kuwe,+

Labalangatelela kuhamba emigwacweni leya endlini yakho.

 6 Nabadzabula ekhatsi esihosheni lesomile lakukhula khona tihlahla tebhakha,*

Kubo kuba shengatsi siyindzawo lenemitfombo;

Futsi timvula tekucala tiyasibusisa.*

 7 Batawuchubeka bahamba futsi emandla abo ngeke aphele;+

Nguloyo naloyo kubo utawungena embikwaNkulunkulu eSiyoni.

 8 Awu Jehova Nkulunkulu wemabutfo, vani umthantazo wami;

Awu Nkulunkulu waJakobe, lalela. (Sela)

 9 Wena usihlangu setfu+ naNkulunkulu wetfu,*

Mentele umusa logcotjiwe wakho.+

Ngikhetsa kuma emnyango wendlu yaNkulunkulu wami

Kunekutsi ngihlale emathendeni alababi.

11 Ngobe Jehova Nkulunkulu ulilanga+ nesihlangu setfu;+

Usentela umusa futsi asente sihlonipheke.

Jehova angeke abagodlele lokuhle

Bantfu labacotfo kuye.+

12 Awu Jehova wemabutfo,

Uyajabula umuntfu lokwetsembako.+