SIFUNDVO 14

Bangani BaNkulunkulu Babalekela Kwenta Lokubi

Sathane ulinga bantfu kutsi bente tintfo letimbi. Umuntfu lofuna kuba ngumngani waNkulunkulu kufanele atondze loko Jehova lakutondzako. (Tihlabelelo 97:10) Nati letinye tintfo letibalekelwa bangani baNkulunkulu:

Tintfo Jehova latenyantako tifaka ekhatsi kutiphatsa lokubi ngekwelicansi, kudzakwa, kukhipha sisu, kweba, kucala emanga, intfukutselo lengalawuleki, kanye nekugembula

Kutiphatsa kabi etindzabeni tekulalana. “Ungaphingi.” (Eksodusi 20:14) Kuya ecansini umuntfu asengakashadi nako akukalungi.—1 Khorinte 6:18.

Kudzakwa. “[Labatidzakwa] . . . bangeke balidle lifa lembuso waNkulunkulu.”—1 Khorinte 6:10.

Kubulala, Kukhipha Sisu. “Ungabulali.”—Eksodusi 20:13

Kweba. “Ungebi.”—Eksodusi 20:15.

Kucala Emanga. Jehova uyalutondza ‘lulwimi lolucala emanga.’—Taga 6:17.

Budlova NeNtfukutselo Lengalawuleki. “[Jehova] uyamtondza lomubi nalotsandza budlova.” (Tihlabelelo 11:5) “Imisebenti yenyama [ifaka ekhatsi] . . . lulaka.”—Galathiya 5:19, 20.

Kugembula. “Ningahlanganyeli nemuntfu . . . lobukhali.”—1 Khorinte 5:11.

Kutondzana Ngebuhlanga Nebuve. “Tsandzani titsa tenu, nibakhulekele labanitingelela kunihlupha.”—Matewu 5:43, 44.

Nkulunkulu usitjela tintfo letizuzisa tsine. Akulula ngaso sonkhe sikhatsi kubalekela kwenta tintfo letimbi. Ngelusito lwaJehova naboFakazi bakhe, ungakhona kubalekela kwenta tintfo letingamjabulisi Nkulunkulu.—Tihlabelelo 121:1, 2; Isaya 48:17; Hebheru 10:24, 25.