Yini Leyentekako Ekufeni?

Kufa kuphambene nekuphila. Kufa kufanana nebutfongo lobukhulu. (Johane 11:11-14) Labafile abakwati kuva, kubona, kukhuluma, nome kucabanga. (Umshumayeli 9:5, 10) Inkholo yemanga ifundzisa kutsi bantfu labafile baya eveni lemimoya kuze bayophila nabokhokho babo lasebafa. Loko akusiko lokufundziswa liBhayibheli.

Labafile ngeke basisite, futsi ngeke basilimate. Kuvamile kutsi bantfu bente imisimeto letsite futsi bahlabele labafile ngoba bakholelwa kutsi loko kuyabajabulisa. Loku akumjabulisi Nkulunkulu ngoba kusekelwe emangeni aSathane. Ngeke kubajabulise ngisho nalabo labafile ngoba vele abaphili. Akukafaneli sibesabe labafile nome sibakhonte. Kufanele sikhonte Nkulunkulu kuphela.—Matewu 4:10.

Labafile bayophindze baphile. Sikhatsi siyeta lapho khona Jehova atawuvusa labafile, baphile emhlabeni lolipharadisi. Leso sikhatsi siseta. (Johane 5:28, 29; Imisebenti 24:15) Nakanjani Nkulunkulu angabavusa labafile, njengoba nakanjani nawe ungamvusa umuntfu lolele.​—Makho 5:22, 23, 41, 42.

Umbono wekutsi asifi ungemanga lasakatwa nguSathane Develi. Sathane nemadimoni akhe benta bantfu bacabange kutsi imimoya yalabafile iyaphila futsi ibangela kugula naletinye tinkinga. Ngaletinye tikhatsi Sathane udukisa bantfu ngemaphupho nangemibono. Jehova uyabalahla labo labetama kukhuluma nalabafile.​—Dutheronomi 18:10-12.