INCENYE 3

Kwakunjani Kuphila EPharadisi?

Jehova wanika Adamu na-Eva tintfo letinyenti letinhle. Genesisi 1:28

Ngemuva kwekutsi Jehova adale Eva, wabese umletsa ku-Adamu

Jehova wadala Eva, umuntfu lomsikati wekucala, futsi wamletsa ku-Adamu kutsi abe ngumfati wakhe.—Genesisi 2:21, 22.

Jehova wabadala banetingcondvo nemitimba lete sono, lete nesici.

Bo-Adamu na-Eva babukisisa likhaya labo lelilipharadesi

Likhaya labo leliliPharadisi kwakuyinsimi yase-Edeni—indzawo lenhle leyayinemfula, tihlahla tetitselo, kanye netilwane.

Jehova abekhuluma nabo, futsi abafundzisa. Kube bamlalela, bebayawuphila phakadze ePharadisi emhlabeni.

Nkulunkulu bekatsite bangadli esihlahleni lesisodvwa. Genesisi 2:16, 17

Sihlahla Jehova labetsite bo-Adamu na-Eva bangasidli

Lenye ingilosi yahlubuka kuNkulunkulu. Leyo ngilosi lembi nguSathane Develi.

Sathane loyingilosi lembi ukhuluma na-Eva asebentisa inyoka

Jehova wakhombisa Adamu na-Eva sihlahla setitselo lesisodvwa ensimini, futsi wabatjela kutsi nabasidla batawukufa.

Sathane abengafuni kutsi bo-Adamu na-Eva balalele Jehova. Ngako-ke wasebentisa inyoka kute atjele Eva kutsi nakangadla leso sitselo, angeke afe, kodvwa utawufanana naNkulunkulu. Ecinisweni lawo kwakungemanga laluhlata klaba!—Genesisi 3:1-5.