Umoya Longcwele Utfululelwa Ebandleni LebuKhristu

2:1-8, 14, 37, 38, 41-47

EmaJuda lamanyenti labekakhona eJerusalema ngeliPhentekhosti la- 33 C.E., abevela kuletinye tive. (Imi 2:9-11) Ngisho nobe abewugcina uMtsetfo waMose, kepha kungenteka abecitse kuphila kwawo konkhe akulamanye emave. (Jer 44:1) Ngaleso sizatfu, kungenteka kutsi lamanye awo abebukeka njengebantfu baleto tive futsi akhuluma njengabo esikhundleni sekufanana nemaJuda. Ngalesikhatsi kubhajatiswa sicumbi sebantfu labangu-3 000 labebasuka etiveni letinyenti, libandla lebuKhristu labese ligcwala bantfu labangefani. Nangetulu kwekusuka kwabo etiveni letingafani, “bebahlale bahlangana ngebunye ethempelini.”​—Imi 2:46.

Ungakhombisa njani kutsi ubakhatsalela ngalokusuka enhlitiyweni . . .

• bantfu labasensimini yenu labasuka kulamanye emave?

• bazalwane nabodzadze labasebandleni lenu labesuka kulamanye emave?