Dipesaleme

20 E se eka Jehova a ka u araba letsatsing la mahlomola.+

E se eka lebitso la Molimo oa Jakobo le ka u sireletsa.+

 2 E se eka a ka romela thuso ea hao a le sebakeng se halalelang,

A u tšehetse a le Sione.+

 3 E se eka a ka hopola linyehelo tsohle tsa hao tsa mpho,+

E se eka a ka amohela nyehelo ea hao ea secheso e le e nonneng.+ Selah.

 4 E se eka a ka u fa ho ea ka pelo ea hao,+

E se eka a ka phethahatsa morero oohle oa hao.

 5 Re tla hoeletsa ka thabo ka lebaka la poloko ea hao,+

Ka lebitso la Molimo oa rōna re tla phahamisa lifolakha tsa rōna.+

E se eka Jehova a ka phethahatsa likōpo tsohle tsa hao.+

 6 Joale ke hlile kea tseba hore ka sebele Jehova o pholosa motlotsuoa oa hae.+

O mo araba a le maholimong+ a hae a halalelang

Ka liketso tse matla tse pholosang tsa letsoho la hae le letona.+

 7 Ba bang ba bua ka likoloi ’me ba bang ka lipere,+

Empa, ha e le rōna, re tla bua ka lebitso la Jehova Molimo oa rōna.

 8 Bona ba robehile ’me ba oele;+

Empa ha e le rōna, re tsohile, e le hore re ka tsosolosoa.+

 9 Jehova, u pholose morena!+

O tla re araba letsatsing leo re hooang ka lona.+