• 1 Samuele 28:7-11
    Bibele—Phetolelo ya Lefatshe le Letjha

    • 7 Qetellong Saule a re ho bahlanka ba hae: “Mpatleleng mosadi ya reng o buisana le badimo+ mme ke tla yo batla keletso ho yena.” Bahlanka ba hae ba re ho yena: “Ho na le mosadi ya reng o buisana le badimo Ene-dore.”+

      8 Ka hoo, Saule a ikgakanya mme a apara diaparo tse ding yaba o ya ho mosadi eo bosiu a tsamaya le banna ba babedi. A re: “Ke kopa o mpolelle bokamoso o sebedisa bokgoni ba hao ba ho buisana le badimo+ mme o mpitsetse motho eo ke tla o kopa hore o mo bitse.” 9 Le ha ho le jwalo, mosadi eo a re ho yena: “E tlameha ebe o a tseba hore na Saule o entseng. O tlositse batho ba buisanang le badimo le batho ba reng ba bolela diketsahalo esale pele.+ Jwale ke hobaneng ha o leka ho ntjheha hore ke tle ke bolawe?”+ 10 Yaba Saule o mo hlapanyetsa ka Jehova o re: “Ke o hlapanyetsa ka Jehova ya phelang, o ke ke wa ba le molato le ha e le ofe tabeng ena.” 11 Mosadi eo a re: “Ke o bitsetse mang?” Saule a re: “Mpitsetse Samuele.”

  • Esaia 8:19
    Bibele—Phetolelo ya Lefatshe le Letjha

    • 19 Haeba ba ka re ho lona: “Botsang batho ba reng ba buisana le bafu kapa ba reng ba bolela diketsahalo esale pele* ba hweshetsang le ba buelang ka marameng,” na le tla be le nepa ha le etsa jwalo? Na batho ha ba a lokela ho botsa Modimo wa bona? Na ba lokela ho botsa batho ba shweleng molemong wa batho ba phelang?+