3 “Mamelang, mojadi o ile a tswa ho ya jala.+ 4 Ha a ntse a jala, peo e nngwe ya wela haufi le tsela yaba dinonyana di a e ja. 5 E nngwe ya wela dipakeng tsa majwe moo ho se nang mobu o mongata. Ya mela hanghang hobane mobu o ne o sa teba.+ 6 Ha letsatsi le tjhaba ya tjha yaba e a omella hobane e ne e se na metso. 7 E nngwe ya wela hara meutlwa yaba meutlwa e a hola e a e bipetsa, ya se ke ya beha ditholwana.+ 8 E nngwe yona ya wela mobung o motle, ya hola ya eba kgolo mme ya qala ho beha ditholwana. Peo e nngwe ya beha ditholwana tse imenneng ka makgetlo a 30, e nngwe ya beha tse imenneng ka makgetlo a 60, e nngwe yona ya beha tse imenneng ka makgetlo a 100.”+ 9 A boela a re: “Ya nang le ditsebe a ke a utlwe.”+

4 Ho tloha motseng o mong ho ya ho o mong, batho ba ile ba tla ho yena mme letshwele le leholo la phutheha. Yaba o ba etsetsa papiso o re:+ 5 “Mojadi o ile a tswa ho ya jala. Ha a ntse a jala, peo e nngwe ya wela haufi le tsela, batho ba e hatakela yaba dinonyana di a e ja.+ 6 E nngwe ya wela majweng mme ka mora hore e mele, ya omella hobane ho ne ho se na mongobo.+ 7 E nngwe ya wela hara meutlwa yaba ha meutlwa e hola e a e bipetsa.+ 8 E nngwe yona ya wela mobung o motle, ya mela yaba e beha ditholwana tse imenneng ka makgetlo a 100.”+ Ka mora ho tjho jwalo a hweletsa a re: “Ya nang le ditsebe a ke a utlwe.”+