Dipesaleme

9 Ke tla o rorisa ka pelo ya ka yohle Jehova.

Ke tla bolella ba bang ka mesebetsi yohle ya hao e hlollang.+

 2 Ke tla thaba ke be ke nyakalle ka lebaka la hao.

Ke tla binela lebitso la hao dithoriso,* Wena Ya Phahameng ka ho Fetisisa.+

 3 Ha dira tsa ka di baleha,+

Di tla kgoptjwa di be di fediswe ka pela hao.

 4 O a ntwanela e le hore ke fumane toka.

O dula teroneng ya hao mme o ahlola ka toka.+

 5 O kgalemetse ditjhaba+ wa ba wa fedisa ba kgopo,

O hlakotse mabitso a bona hore a se ke a hlola a eba teng ka ho sa feleng.

 6 Dira di fedisitswe ka ho sa feleng.

O fothotse metse ya tsona,

Ha di sa tla hlola di hopolwa.+

 7 Jehova o dutse teroneng ka ho sa feleng.+

O dula a busa mme ka mehla o ahlola ka toka.+

 8 O tla ahlola lefatshe ka toka.+

O tla ahlola ditjhaba ka tsela e lokileng.+

 9 Jehova e tla ba setshabelo se sireletsehileng* bakeng sa batho ba hateletsweng.+

E tla ba setshabelo se sireletsehileng dinakong tsa matshwenyeho.+

10 Ba tsebang lebitso la hao ba tla o tshepa.+

Jehova, le ka mohla o ke ke wa lahla ba o sebeletsang.+

11 Binelang Jehova ya dulang Sione dithoriso.

Tsebisang ditjhaba diketso tsa hae.+

12 Modimo o tla hopola ba hloriswang mme a iphetetse ho ba ba bolaileng.+

A ke ke a lebala sello sa bona.+

13 Nkgauhele Jehova, bona ka moo ba ntlhoileng ba ntshotlang ka teng,

Wena ya mpholosang lefung*+

14 E le hore ke bue ka diketso tsa hao tse tshwanelwang ke thoriso dikeiting tsa moradi wa Sione,+

Ke be ke thabe ka lebaka la tsela eo o pholosang ka yona.+

15 Ditjhaba di wetse ka sekoting seo di se tjhekileng.

Maoto a tsona a tshwasitswe ke leraba leo di le patileng.+

16 Jehova o tsejwa ka kahlolo eo a fanang ka yona.+

Ya kgopo o tshwasitswe ke mosebetsi wa matsoho a hae.+

17 Ba kgopo ba tla ya Lebitleng*

E leng ditjhaba tsohle tse lebalang Modimo.

18 Modimo a ke ke a lebala ba futsanehileng+

Ebile tshepo ya ba bonolo e ke ke ya fela.+

20 Jehova, etsa hore di tshohe,+

Etsa hore ditjhaba di tsebe hore ke batho feela. (Selah)