Dipesaleme

145 Ke tla u phahamisa, Morena Molimo oa ka,+

Ke tla boka lebitso la hao ho isa nakong e sa lekanyetsoang, esita le ka ho sa feleng.

 2 Ke tla u boka letsatsi lohle,+

Ke tla rorisa lebitso la hao ho isa nakong e sa lekanyetsoang, esita le ka ho sa feleng.+

 3 Jehova o moholo ’me o lokela ho rorisoa haholo,+

Boholo ba hae bo ke ke ba batlisisoa.+

 4 Moloko o mong ka mor’a o mong o tla babatsa mesebetsi ea hao,+

O tla bolela liketso tsa hao tse matla.+

 5 Ke tla nahanisisa ka bokhabane bo khanyang ba ho hlompheha ha hao+

Le litaba tsa mesebetsi ea hao e hlollang.+

 6 Ba tla bua ka matla a lintho tsa hao tse tšabehang;+

Ha e le boholo ba hao, ke tla bo bolela.+

 7 Ba tla bua ba sa khaotse ka molemo oa hao o mongata,+

Ba tla hoeletsa ka thabo ka lebaka la ho loka ha hao.+

 8 Jehova o mosa ’me o mohau,+

O lieha ho halefa ’me o na le mosa o lerato o moholo.+

 9 Jehova o molemo ho bohle,+

Mehauhelo ea hae e holim’a mesebetsi eohle ea hae.+

10 Mesebetsi eohle ea hao e tla u roka, Jehova,+

Ba tšepahalang ba hao ba tla u boka.+

11 Ba tla bua ka khanya ea borena ba hao,+

Ba tla bua ka matla a hao,+

ל [Lamedh]

12 Hore ba tsebise bara ba batho liketso tsa hae tse matla+

Le khanya ea bokhabane ba borena ba hae.+

13 Borena ba hao ke borena ho isa linakong tsohle tse sa lekanyetsoang,+

Puso ea hao e pholletsa le meloko eohle e latellanang.+

14 Jehova o tšehetsa bohle ba oang,+

O phahamisa bohle ba inameng.+

15 Mahlo a bohle a talima ho uena ka tšepo,+

U ba fa lijo tsa bona ka nako ea tsona.+

16 U fuparolla seatla sa hao+

U khotsofatsa takatso ea ntho e ’ngoe le e ’ngoe e phelang.+

17 Jehova o lokile litseleng tsohle tsa hae+

Oa tšepahala mesebetsing eohle ea hae.+

18 Jehova o haufi le bohle ba ipiletsang ho eena,+

Bohle ba ipiletsang ho eena ka ’nete.+

19 O tla khotsofatsa takatso ea ba mo tšabang,+

O tla utloa mohoo oa bona o kōpang thuso, ’me o tla ba pholosa.+

20 Jehova o lebela bohle ba mo ratang,+

Empa bohle ba khopo o tla ba felisa.+

21 Molomo oa ka o tla bolela thoriso ea Jehova;+

Nama eohle e boke lebitso la hae le halalelang ho isa nakong e sa lekanyetsoang, esita le ka ho sa feleng.+