Dipesaleme

65 Ho na le thoriso bakeng sa hao—khutso—, Molimo, Sione;+

Ho uena boitlamo bo tla phethoa.+

 3 Lintho tse phoso li bile matla ho mpheta.+

Ha e le litlōlo tsa rōna, u tla li koahela.+

 4 Ho thaba eo u mo khethang le ho etsa hore a atamele,+

E le hore a ka lula mabaleng a hao.+

Ka sebele re tla khotsofalla molemo oa ntlo ea hao,+

Sebaka se halalelang sa tempele ea hao.+

 5 U tla re araba ka ho loka ka lintho tse tšabehang,+

Uena Molimo oa poloko ea rōna,+

Tšepo ea meeli eohle ea lefatše le ba leng hōle leoatleng.+

 6 O tiisa maholimo ka thata ka matla a hae;+

Ka sebele o itlamile ka bonatla.+

 7 O khutsisa lerata la maoatle,+

Lerata la maqhubu a ’ona le morusu oa lihlopha tsa lichaba.+

 8 Baahi ba lipheletsong ba tla tšaba lipontšo tsa hao;+

U etsa hore ho hlaha ha meso le shoalane ho hoeletse ka thabo.+

 9 U lebisitse tlhokomelo ea hao lefatšeng, e le hore u ka le fa nala;+

U le entša haholo.

Molapo o tsoang ho Molimo o tletse metsi.+

U lokisetsa lijo-thollo tsa bona,+

Etsoe ke tsela eo u lokisang lefatše ka eona.+

10 Litsela tsa lona tsa mehoma lia tlala, makote a lona aa batalatsoa;+

U le nolofatsa ka lipula tsa melupe; u hlohonolofatsa mahlōmela a lona.+

11 U roesitse selemo moqhaka oa molemo oa hao,+

Litsela tsa hao li rotha monono.+

12 Makhulo a lefeella a ntse a rotha,+

Maralla a itlama ka nyakallo.+

13 Makhulo a apere mehlape,+

Likhohlo li koahetsoe ka lijo-thollo.

Li hooa ka tlhōlo, e, lia bina.+