Dipesaleme

 2 Molimo oa ka, ke u tšepile;+

E se eka nke ke ka hlajoa ke lihlong.

E se eka lira tsa ka li ke ke tsa thaba ka lebaka la ka.+

 3 Hape, ha ho le ea mong oa ba u tšepileng ea tla hlajoa ke lihlong.+

Ba sebetsang ka bolotsana ntle ho katleho ba tla hlajoa ke lihlong.+

 4 Ntsebise litsela tsa hao, Jehova;+

Nthute litsela tsa hao.+

 5 Ntsamaise ’neteng ea hao ’me u nthute,+

Etsoe u Molimo oa ka oa poloko.+

ה [Waw]

Ke tšepile uena letsatsi lohle.+

 6 Hopola mehauhelo ea hao,+ Jehova, le mosa oa hao o lerato,+

Etsoe li teng ho tloha nakong e sa lekanyetsoang.+

 7 U se ke ua hopola libe tsa bocha ba ka le bofetoheli ba ka.+

Nkhopole ho ea ka mosa oa hao o lerato,+

Ka lebaka la molemo oa hao, Jehova.+

 8 Jehova o molemo ’me o lokile.+

Ke ka lebaka leo a rupelang baetsalibe tseleng.+

 9 O tla etsa hore ba bonolo ba tsamaee qetong ea hae ea boahloli,+

O tla ruta ba bonolo tsela ea hae.+

10 Litsela tsohle tsa Jehova ke mosa o lerato le ’nete

Ho ba bolokang selekane+ sa hae le likhopotso+ tsa hae.

11 Ka lebaka la lebitso la hao, Jehova,+

U tšoarele phoso ea ka, kaha e khōlō.+

12 Joale, ke mang motho ea tšabang Jehova?+

O tla mo rupela ka tsela eo a tlang ho e khetha.+

13 Moea oa hae o tla lula ho se molemo,+

Bana ba hae ba tla rua lefatše.+

14 Kamano e haufi-ufi le Jehova ke ea ba mo tšabang,+

Le selekane sa hae, e le ho etsa hore ba se tsebe.+

15 Mahlo a ka a ho Jehova kamehla,+

Etsoe ke eena ea ntšang maoto a ka letlooeng.+

16 Retelletsa sefahleho sa hao ho ’na, ’me u mpontše mohau;+

Etsoe ke ’notši ’me ke hlorile.+

17 Mahlomola a pelo ea ka a atile;+

U ’ntše likhatellong tse holim’a ka.+

18 Bona mahloreho a ka le khathatso ea ka,+

U tšoarele libe tsohle tsa ka.+

19 Bona kamoo lira tsa ka li ngatafetseng kateng,+

Li ntlhoile ka lehloeo le mabifi.+

20 U lebele moea oa ka ’me u ntopolle.+

E se eka nke ke ka hlajoa ke lihlong, etsoe ke tšabetse ho uena.+

21 Botšepehi le ho loka li ntšireletse,+

Etsoe ke tšepile uena.+