Dipesaleme

141 Jehova, ke ipilelitse ho uena.+

U potlakele ho ’na.+

U mamele lentsoe la ka ha ke hoeletsa ho uena.+

 2 E se eka thapelo ea ka e ka lokisoa joaloka libano+ ka pel’a hao,+

Ho phahama ha liatla tsa ka ho lokisoe joaloka nyehelo ea lijo-thollo ea shoalane.+

 3 Jehova, u behe molebeli bakeng sa molomo oa ka;

U behe molebeli lemating la molomo oa ka.+

 4 U se ke ua sekamisetsa pelo ea ka nthong leha e le efe e mpe,+

Hore ke etse liketso tse tummeng hampe ka bokhopo+

Hammoho le batho ba tloaetseng ho etsa se kotsi,+

E le hore ke se ke ka ja lintho tsa bona tse monate.

 5 Ha ea lokileng a ka nkotla, e ne e tla ba mosa o lerato;+

Ha a ka nkhalemela, e ne e tla ba oli holim’a hlooho,+

Eo hlooho ea ka e neng e ke ke ea e hana.

Etsoe ho ne ho ntse ho tla ba le thapelo ea ka litlokotsing tsa bona.+

 6 Baahloli ba bona ba lihetsoe fatše mahlakoreng a mafika,+

Empa ba utloile lipolelo tsa ka, hore lia khahlisa.+

 7 Joalokaha motho a ngamola le ho petsola lefatše,

Masapo a rōna a hasantsoe molomong oa Sheole.+

 8 Leha ho le joalo, mahlo a ka a lebile ho uena,+ Jehova ’Musi Morena.+

Ke tšabetse ho uena.+

U se ke ua tšolla moea oa ka.+

 9 Mphemise ho tsepareloeng ke sefi seo ba nchehetseng sona+

Le marabeng a ba tloaetseng ho etsa se kotsi.+

10 Ba khopo ba tla oela hammoho ka matlooeng a bona,+

Ha ke feta.