Dipesaleme

90 Jehova, u bile sebaka sa rōna sa bolulo sa sebele+

Molokong o mong ka mor’a o mong.+

 2 Pele lithaba li tsoaloa,

Kapa u qala ho hlahisa lefatše+ le naha e behang joalokaha eka ke ka bohloko ba pelehi,+

Esita le ho tloha nakong e sa lekanyetsoang ho isa nakong e sa lekanyetsoang u Molimo.+

 3 U khutlisetsa motho ea shoang nthong e silakantsoeng,+

U re: “Khutlang, lōna bara ba batho.”+

 4 Etsoe lilemo tse sekete mahlong a hao li feela joaloka letsatsi la maobane ha le fetile,+

Le joaloka tebelo ea bosiu.+

 5 U ba felisitse;+ ba fetoha boroko feela;+

Hoseng ba joalo feela ka joang bo botala bo fetohang.+

 6 Hoseng bo hlahisa lithunthung ’me bo tla fetoha;+

Ka shoalane boa pona ’me ka sebele boa omella.+

 7 Etsoe re felile ka bohale ba hao,+

Re ferekantsoe ke khalefo ea hao.

 8 U behile liphoso tsa rōna ka pel’a hao,+

Lintho tsa rōna tse patiloeng u li behile ka pel’a sefahleho sa hao se khanyang.+

 9 Etsoe matsatsi ’ohle a rōna a fokotsehile khalefong ea hao;+

Re qetile lilemo tsa rōna feela joaloka mohoeshetso.+

10 Matsatsi a lilemo tsa rōna ke lilemo tse mashome a supileng;+

Haeba e le ka lebaka la matla a khethehileng e ba lilemo tse mashome a robeli,+

Empa leha ho le joalo a tsitlella khathatsong le linthong tse kotsi;+

Etsoe a lokela ho feta kapele, ’me rea fofa.+

11 Ke mang ea tsebang matla a bohale ba hao+

Le khalefo ea hao ho ea ka tšabo ea hao?+

12 Re bontše kamoo re lokelang ho bala matsatsi a rōna ka tsela eo ka eona+

Re ka fumanang pelo e bohlale.+

13 Khutla, Jehova!+ E tla ba halelele hakae?+

U ikutloe u soabile ka lebaka la bahlanka ba hao.+

14 Re khotsofatse hoseng ka mosa oa hao o lerato,+

E le hore re ka hoeletsa ka thabo ’me ra nyakalla matsatsing ’ohle a rōna.+

15 Re thabise ka ho lekanang le matsatsi ao u re hlorisitseng ka ’ona,+

Lilemo tseo re boneng tlokotsi ka tsona.+

16 E se eka mosebetsi oa hao o ka bonahala ho bahlanka ba hao+

Le bokhabane ba hao bo bonahale ho bara ba bona.+

17 Thabo ea Jehova Molimo oa rōna e ke e be holim’a rōna,+

U tiise mosebetsi oa matsoho a rōna ka thata holim’a rōna.+

E, mosebetsi oa matsoho a rōna, u o tiise ka thata.+