Juda

Lengolo la Juda

1 Juda, lekhoba la Jesu Kreste, empa mor’abo Jakobo,+ ho ba bitsitsoeng+ ba ratoang kamanong le Molimo Ntate+ le ba boloketsoeng+ Jesu Kreste:

2 E se eka le ka ekeletsoa+ mohau+ le khotso+ le lerato.

3 Baratuoa, le hoja ke ne ke etsa boiteko bo bong le bo bong ba ho le ngolla ka poloko eo re nang le eona bohle,+ ke ile ka fumana ho hlokahala ho le ngolla ho le eletsa hore le loane ntoa e thata bakeng sa tumelo+ eo hang le ka ho ke keng ha phetoa ho ileng ha nehelanoa ka eona ho bahalaleli.+ 4 Lebaka la ka ke hore batho ba itseng ba kene ka sekhukhu+ bao e leng khale ba khethetsoe+ kahlolo ena+ ke Mangolo, batho ba se nang bomolimo,+ ba fetolang mosa o sa tšoanelang oa Molimo oa rōna boikemelo bakeng sa boitšoaro+ bo hlephileng le ba se nang ’nete+ ho eo e leng eena feela Monghali+ le Morena+ oa rōna, Jesu Kreste.

5 Ho sa tsotellehe ho tseba ha lōna lintho tsohle+ hang le ka ho ke keng ha phetoa, ke lakatsa ho le hopotsa hore le hoja Jehova a ile a pholosa batho ho tsoa naheng ea Egepeta,+ ka mor’a moo o ile a timetsa ba sa bontšeng tumelo.+ 6 Mangeloi a sa kang a boloka sebaka sa ’ona sa pele empa a furalla sebaka sa ’ona sa bolulo+ se loketseng o a bolokile ka litlamo tsa ka ho sa feleng+ tlas’a lefifi le letšo-letšo bakeng sa kahlolo ea letsatsi le leholo.+ 7 Ka ho tšoanang Sodoma le Gomora le metse e li potolohileng,+ ka mor’a hore ka mokhoa o tšoanang le oa mangeloi a boletsoeng pele li etse bohlola ka mokhoa o feteletseng ’me li sale nama morao bakeng sa tšebeliso eo e seng ea tlhaho,+ li behiloe ka pel’a rōna e le mohlala+ o lemosang ka ho feta kotlong ea boahloli ea mollo o sa feleng.+

8 Ka mokhoa o tšoanang, ho sa tsotellehe seo, batho bana, le bona, ha ba inehella litoro,+ ba silafatsa nama le ho hlokomoloha borena+ ’me ba nyefola ba khanyang.+ 9 Empa ha Mikaele+ lengeloi le ka sehloohong+ a ne a e-na le phapang+ le Diabolose ’me a pheha khang ka setopo sa Moshe,+ ha aa ka a iteta sefuba ho tlisa kahlolo khahlanong le eena ka mantsoe a nyefolang,+ empa a re: “E se eka Jehova a ka u khalemela ka matla.” 10 Empa leha ho le joalo batho bana ba nyefola lintho tsohle tseo ka sebele ba sa li tsebeng;+ empa lintho tsohle tseo ba li utloisisang ka tlhaho joaloka liphoofolo tse sa nahaneng,+ ba tsoela pele ho ipolisa linthong tsena.+

11 Ho malimabe bona, hobane ba tsamaile ka tsela ea Kaine,+ ’me ba mathetse tseleng e fosahetseng ea Balame+ bakeng sa moputso, ’me ba timetse puong+ ea borabele ea Kora!+ 12 Ke mafika a patiloeng ka tlas’a metsi meketeng+ ea lōna ea lerato ha ba ntse ba keteka le lōna, ke balisa ba iphepang ntle ho tšabo;+ ke maru a se nang metsi a isoang koana+ le koana ke meea;+ ke lifate qetellong ea lehoetla, empa tse se nang litholoana, tse shoeleng habeli, tse fothotsoeng;+ 13 ke maqhubu a befileng a leoatle a fehlang lisosa tsa ’ona tsa lihlong;+ ke linaleli tse se nang tsela e otlolohileng, tseo botšo ba lefifi bo lutseng bo li boloketsoe ka ho sa feleng.+

14 E, oa bosupa ka tlhahlamano ho tloha ho Adama, Enoke,+ o ile a profeta le ka bona, ha a re: “Bonang! Jehova o ile a tla ka limiriade tsa hae tse halalelang,+ 15 ho phethisa kahlolo khahlanong le bohle,+ le ho paka hore bohle ba se nang bomolimo ba molato malebana le liketso tsohle tsa bona tse se nang bomolimo tseo ba ileng ba li etsa ka tsela e se nang bomolimo, le malebana le lintho tsohle tse tšosang tseo baetsalibe ba se nang bomolimo ba ileng ba li bua khahlanong le eena.”+

16 Batho bana ke bakorotli,+ ba belaelang ka tse ba hlahelang bophelong, ba tsoela pele ho ea ka litakatso tsa bona,+ ’me melomo ea bona e bua lintho tsa boikhohomoso,+ ha ba ntse ba khahloa ke batho ba phahameng+ molemong oa bona.

17 Ha e le lōna, baratuoa, le hopole lipolelo tse builoeng pele ke baapostola ba Morena oa rōna Jesu Kreste,+ 18 kamoo ba neng ba ee ba re ho lōna: “Nakong ea ho qetela ho tla ba le basomi, ba tsoelang pele ho ea ka litakatso tsa bona bakeng sa lintho tse se nang bomolimo.”+ 19 Bana ke bona ba bakang likarohano,+ batho ba bophoofolo,+ ba se nang bomoea.+ 20 Empa lōna, baratuoa, ka ho ikaha+ tumelong ea lōna e halalelang ka ho fetisisa,+ le ho rapela ka moea o halalelang,+ 21 le ipoloke leratong la Molimo,+ ha le ntse le letetse mohau+ oa Morena oa rōna Jesu Kreste ka tebello ea bophelo bo sa feleng.+ 22 Hape, le tsoele pele ho bontša mohau+ ho ba bang ba nang le lipelaelo;+ 23 ba+ pholoseng ka ho ba hloibila mollong.+ Empa ba bang le tsoele pele ho ba bontša mohau, le etsa joalo ka tšabo, ha le ntse le hloea le seaparo sa ka hare se silafalitsoeng ke nama.+

24 Joale ho ea khonang ho le lebela+ hore le se ke la khoptjoa le ho le emisa le se na sekoli+ pontšeng ea khanya ea hae ka thabo e khōlō, 25 ho eo e leng eena feela Molimo Mopholosi+ oa rōna ka Jesu Kreste+ Morena oa rōna, e be khanya,+ boholo bo hlomphehang, bonatla le bolaoli+ bakeng sa nako eohle e fetileng e hlokang qalo+ le hona joale le ho kenella nakong eohle e hlokang qetello.+ Amen.