Dipesaleme

86 Jehova, sekeha tsebe. Nkarabe,

Etsoe ke hlorile ’me ke futsanehile.+

 2 U lebele moea oa ka, etsoe kea tšepahala.+

U Molimo oa ka—pholosa mohlanka oa hao ea u tšepileng.+

 3 Mpontše mohau, Jehova,+

Etsoe ke ntse ke hoeletsa ho uena letsatsi lohle.+

 4 Thabisa moea oa mohlanka oa hao,+

Etsoe, Jehova, ke phahamisetsa moea oa ka ho uena.+

 5 Etsoe, Jehova, u molemo+ ’me u itokiselitse ho tšoarela;+

Mosa o lerato ho bohle ba ipiletsang ho uena o mongata.+

 6 Jehova, u mamele thapelo ea ka;+

U ele hloko lentsoe la likōpo tsa ka tse tiileng.+

 7 Letsatsing la mahlomola a ka ke tla ipiletsa ho uena,+

Etsoe u tla nkaraba.+

 8 Ha ho le ea mong ea tšoanang le uena har’a melimo, Jehova,+

Hape ha ho mesebetsi leha e le efe e tšoanang le ea hao.+

 9 Lichaba tsohle tseo u li entseng li tla tla,+

Li tla inama ka pel’a hao, Jehova,

Li tlotlise lebitso la hao.

10 Etsoe u moholo ’me u etsa lintho tse makatsang;+

U Molimo, uena u le mong.+

11 Jehova, nthupele ka tsela ea hao.+

Ke tla tsamaea ’neteng ea hao.+

Momahanya pelo ea ka hore e tšabe lebitso la hao.+

12 Kea u roka, Jehova Molimo oa ka, ka pelo ea ka eohle,+

Ke tla tlotlisa lebitso la hao ho isa nakong e sa lekanyetsoang,

13 Etsoe mosa oa hao o lerato o moholo bakeng sa ka,+

U lopolotse moea oa ka Sheole, sebakeng sa eona se tlaase-tlaase.+

14 Molimo, ba iketelletsang pele ba ntsohetse matla;+

Phutheho ea bahatelli e batlile moea oa ka,+

Ha baa u beha ka pel’a bona.+

15 Empa, Jehova, u Molimo ea mohau le ea mosa,+

Ea liehang ho halefa+ le ea tletseng mosa o lerato le ’nete.+

16 Retelehela ho ’na ’me u mpontše mohau.+

U fe mohlanka oa hao matla a hao,+

U pholose mora oa lekhabunyane la hao.+

17 Nketsetse pontšo e bolelang molemo,

E le hore ba ntlhoileng ba ka e bona ’me ba hlajoe ke lihlong.+

Etsoe Jehova, u nthusitse ’me u ntšelisitse.+