“Jehova ke Modisa wa Ka”

1. Jehova ke Modis’a ka;

Ke tla ya moo a nkisang.

O tseba se ka pelong yaka;

O mpha seo ke se hlokang.

O nkisa moo ke tla kgutsa,

Moo ke tla kgatholoha.

Ke Modisa wa ka ya lerato

Ya tlisang kgatholoho.

Ke Modis’a ka ya lerato

Ya tlisang kgatholoho.

2. Tsela tsa hao dia kgatholla,

Kaofela di molemo.

Ka baka la lebitso la hao

Nthuse ke se kgelohe.

Le moriting o lefifi,

Ha ho seo ke se tshabang,

Lere la hao le a ntataisa,

Hobane o Motswalle.

Lere la hao le a ntataisa,

Hobane o Motswalle.

3. Jehova, o Modis’a ka;

Ke tla ya moo o nkisang.

Ke wena ya mphang kgutso pelong;

O mpha seo ke se hlokang.

Ke’o tshepa ka ho feletseng,

Hobane o Motswalle.

Ke kopa hore lerato la hao

Le be ho nna kamehla.

Ke kopa hore rato la hao

Le be ho nna kamehla.