KAROLO YA 3

Bophelo bo ne bo le Jwang Paradeiseng?

Jehova o ile a fa Adama le Eva dintho tse ngata tse molemo. Genese 1:28

Ka mora hore Jehova a bope Eva, o mofa Adama

Jehova o ile a bopa mosadi wa pele e leng Eva, yaba o mo fa Adama hore e be mosadi wa hae.—Genese 2:21, 22.

Jehova o ile a ba bopa ba e na le dikelello le mmele e phethahetseng, e se nang sebe.

Adama le Eva ba shebile lehae la bona la Paradeise

Ba ne ba dula serapeng sa Edene, e leng sebaka se neng se le setle haholo, se e na le dinoka, difate tsa ditholwana le diphoofolo.

Jehova o ne a bua le bona; o ne a ba ruta. Haeba ba ne ba ile ba mo mamela, ba ka be ba ile ba phela ka ho sa feleng Paradeiseng lefatsheng.

Modimo o ile a re ba se ke ba ja tholwana ya sefate sa tsebo ya botle le bobe. Genese 2:16, 17

Sefate seo Jehova a ileng a re Adama le Eva ba se ke ba se ja se ne se le tshimong eo ya Paradeise

Le leng la mangeloi le ile la fetohela Modimo. Lengeloi leo le kgopo ke Satane Diabolose.

Mangeloi a kgopo, Satane Diabolose, a sebedisa noha hore e bue le Eva

Jehova o ile a bontsha Adama le Eva sefate se le seng sa ditholwana se neng se le serapeng, yaba o ba bolella hore haeba ba ne ba ka ja ditholwana tsa sona ba ne ba tla shwa.

Satane o ne a sa batle hore Adama le Eva ba mamele Jehova. Kahoo, o ile a sebedisa noha hore e bolelle Eva hore haeba a ne a ka ja tholwana ya sefate seo, o ne a ke ke a shwa empa o ne a tla tshwana le Modimo. Ho hlakile hore seo e ne e le leshano.—Genese 3:1-5.