Tshepahala ka Dinako Tsohle

Motho e mong le e mong o batla ho ba le metswalle e tshepahalang. Jehova le yena o lebelletse hore metswalle ya hae e tshepahale. Empa ha ho bonolo ho tshepahala ka ha batho ba bangata ha ba tshepahale. Ho dula re tshepahala ho ka re tswela molemo jwang?

1. Lebaka le ka sehloohong la ho dula re tshepahala ke lefe?

Ha re tshepahalla batho ba bang, re bontsha Jehova hore re a mo rata ebile re a mo hlompha. Nahana ka taba ena: Jehova o tseba ntho e nngwe le e nngwe eo re e nahanang le eo re e etsang. (Baheberu 4:13) Modimo o a bona ha re tshepahala mme ntho eo e a mo thabisa. Lentswe la hae le re: “Etswe motho ya mano ke ntho e manyala ho Jehova, empa o na le kamano e haufiufi le ba lokileng.”​—Liproverbia 3:32.

2. Re ka bontsha jwang hore re batho ba tshepahalang?

Jehova o batla hore re ‘bolellane nnete.’ (Zakaria 8:16, 17) See se bolelang? Ha re a lokela ho bua leshano kapa mafosisa ha re bua le ba lelapa, basebetsimmoho, Bakrestemmoho le rona kapa diofisiri tsa mmuso. Batho ba tshepahalang ha ba utswetse ba bang kapa hona ho ba qhekella. (Bala Liproverbia 24:28 le Baefese 4:28.) Hape batho ba tshepahalang ba lefa makgetho ohle ao ba lokelang ho a lefa. (Baroma 13:5-7) Ha re tshepahala dinthong tsena le tse ding, re tla be re “itshwara ka botshepehi dinthong tsohle.”​—Baheberu 13:18.

3. Ho tshepahala ho ka re tswela molemo jwang?

Batho ba bang ba tla re tshepa haeba ba tseba hore re a tshepahala. Hape re tla be re etsa hore batho ba bang ba ikutlwe ba sireletsehile ba bile ba phutholohile ha ba le ka phuthehong. Re tla boela re be le matswalo a kgutsitseng. Ha re tshepahala, re “kgabisa thuto ya Mopholosi wa rona, Modimo,” ebile le batho bao eseng Dipaki ba ka kgahlwa ke borapedi ba rona.​—Tite 2:10.

ITHUTE DINTLHA TSE DING

4. Jehova o a thaba ha re tshepahala

Bala Pesaleme ya 44:21 le Malakia 3:16 ebe le buisana ka dipotso tsena:

• Ke hobaneng ha e le bowatla ho nahana hore re ka pata nnete?

• O nahana hore Jehova o ikutlwa jwang ha re kgetha ho bua nnete le ha ho le thata ho etsa jwalo?

5. Tshepahala ka dinako tsohle

VIDEO: Keng e ka Etsang Hore Motho a Thabe?—Letswalo le Hlwekileng (2:32)

Bala Baheberu 13:18 ebe le a buisana hore na re ka bontsha jwang hore re a tshepahala . . .

• ka lapeng.

• ha re le mosebetsing kapa sekolong.

• maemong a mang.

6. Ho tshepahala ho re tswela molemo

Ho tshepahala ho ka nna ha re bakela mathata. Empa ha nako e ntse e ya re ka hlokomela hore ho bua nnete ho molemo ka mehla. Bala Pesaleme ya 34:12-16 ebe le buisana ka potso ena:

• Ho tshepahala ho ka o tswela molemo jwang?

1. Banna le basadi ba tshepahalang ba tiisa malapa a bona

2. Basebetsi ba tshepahalang ba tsheptjwa ke bahiri ba bona

3. Batho ba tshepahalang ba ba le botumo bo botle ho diofisiri tsa mmuso

KAKARETSO

Jehova o batla hore metswalle ya hae e tshepahale e be e bue nnete ka mehla.

Re Ithutileng?

• Re ka bontsha jwang hore re a tshepahala?

• Ke hobaneng ha e le bowatla ho nahana hore re ka pata nnete?

• Ke hobaneng ha o batla ho dula o tshepahala?

BATLA

Ke jwang batswadi ba ka rutang bana ba bona hore ba tshepahale?

Bua Nnete (1:44)

Ke hobaneng ha ho le molemo ho phethahatsa ditshepiso tsa rona?

Ha o Tshepahala o Tla Hlohonolofatswa (9:09)

Bona hore na ke hobaneng ha re lokela ho patala makgetho le haeba a sebediswa hampe.

“Na o Lokela ho Lefa Makgetho?” (Molula-Qhooa, September 1, 2011)

Keng e ileng ya susumeletsa motho ya neng a sa tshepahale hore a fetole tsela eo a etsang dintho ka yona?

“Ke Ithutile Hore Jehova o Mohau Ebile o a Tshwarela” (Molula-Qhooa, May 1, 2015)