O hokae tseleng ee ya kolobetso?
PHELA JWALO KA MOKRESTE
Kgetha ho Sebeletsa Jehova
Haeba o motjha wa Mokreste ya so kolobetswe kapa o ntse o ithuta Bibele, na o batla ho kolobetswa? Ke hobaneng ha o lokela ho kolobetswa? Ho inehela le ho kolobetswa ho ka o thusa hore o be le setswalle se matla le Jehova. (Pes 91:1) Ho ka ba ha o thusa hore o pholohe. (1Pe 3:21) O ka thuswa ke eng hore o qetelle o nkile mehato ee?
Ikgodise hore dintho tseo o ithutang tsona ka Jehova ke nnete. Haeba ho na le dipotso tseo o ipotsang tsona, etsa dipatlisiso e le hore o fumane dikarabo. (Bar 12:2) Sheba hore na o hloka ho etsa diphetoho hokae mme o di etse hobane o batla ho thabisa Jehova. (Lipr 27:11; Ef 4:23, 24) Dula o rapella hore Jehova a o thuse. Jwang kapa jwang Jehova o tla o matlafatsa le ho o tshehetsa ka moya wa hae o halalelang. (1Pe 5:10, 11) O tla bona hore boiteko bohle boo o bo etsang e le hore o kolobetswe bo tla o tswela molemo. Ho sebeletsa Jehova ke ntho e molemo ka ho fetisisa.—Pes 16:11.
SHEBELLA VIDEO E RENG MEHATO E LEBISANG KOLOBETSONG EBE O ARABA DIPOTSO TSE LATELANG:
Batho ba bang ba ile ba tlameha ho hlola mathata afe e le hore ba kolobetswe?
O ka matlafatsa tumelo ya hao jwang e le hore o inehele ho Jehova?
Ke eng e susumeditseng ba bang hore ba etse diphetoho e le hore ba qetelle ba kolobeditswe?
Jehova o hlohonolofatsa batho ba kgethang ho mo sebeletsa jwang?
Ho inehela le ho kolobetswa ho bolelang?