“Lefatshe Lohle le ile la Tswela Pele le e na le Puo e le Nngwe”

11:1-4, 6-9

Motseng wa Babele, Jehova o ile a hasanya batho ba sa mameleng ka ho ferekanya puo ya bona. Kajeno o bokella bongata bo boholo bo tswang ditjhabeng tsohle le malemeng wohle mme o fa bongata boo ‘puo e hlwekileng’ e le hore bo “ipiletse lebitsong la Jehova,” mme bo mo “sebeletse ka mahetla a bapileng.” (Sof 3:9; Tše 7:9) ‘Puo ena e hlwekileng’ ke nnete e fumanehang ka Mangolong mabapi le Jehova le merero ya hae.

Ho ithuta puo e ntjha ho akarelletsa ho fetang ho tseba mantswe a matjha ka hlooho. Ho hlokahala hore motho a ithute tsela e ntjha ya ho nahana. Ka ho tshwanang, ha re ntse re ithuta puo e ntjha, e leng nnete, dikelello tsa rona di a fetoha. (Bar 12:2) Ho fetoha hona ke ntho e tswelang pele mme ho etsa hore batho ba Modimo ba momahane.​—1Ko 1:10.