• Re ka Thuswa Keng ho Etsa Diqeto Tse Nepahetseng?
    O ka Thaba ka ho sa Feleng!—Lenaneo la ho Ithuta Bibele

    • 5. Hlompha matswalo a batho ba bang

      Ka ha batho ha ba tshwane, ba etsa diqeto tse fapaneng. Re ka etsang ho bontsha hore re hlompha matswalo a batho ba bang? Hlokomela maemo ana a mabedi:

      Boemo ba pele: Moradiwabo rona e mong ya ratang ho itlotsa ka makeup o fallela phuthehong eo baradibabo rona ba moo ba tshwenyehang ha ba bona motho a o sebedisa.

      Bala Baroma 15:1 le 1 Bakorinthe 10:23, 24 ebe le buisana ka dipotso tsena:

      • Ho ya ka ditemana tsee, moradiwabo rona a ka nna a etsa qeto efe? O tla etsang ha o na le motho eo letswalo la hae le mo hanelang ho etsa ntho eo letswalo la hao le o dumellang ho e etsa?

      Boemo ba bobedi: Morabo rona o a tseba hore Bibele ha e thibele ho nwa jwala, empa o kgetha hore a se ke a bo nwa ho hang. O mengwa moketjaneng mme moo o bona barababo rona ba bang ba inwella.

      Bala Moeklesia 7:16 le Baroma 14:1, 10 ebe le buisana ka dipotso tsena:

      • Ho ya ka ditemana tsee, morabo rona a ka nna a etsa qeto? O tla etsang ha o bona motho e mong a etsa ntho eo letswalo la hao le o hanelang ho e etsa?

      Ke mehato efe e tla re thusa ho etsa diqeto tse nepahetseng?

      Mme o a rapela.

      1. Kopa Jehova hore a o thuse ho etsa qeto e nepahetseng.​—Jakobo 1:5.

      Yena Mme eo o etsa dipatlisiso a sebedisa Bibele, dingolwa the thehilweng Bibele le khomphiyutha.

      2. Etsa dipatlisiso ka Bibeleng le ka dingodilweng tse thehilweng Bibeleng ho fumana melaomotheo e tla o thusa. O ka boela wa buisana le Bakreste ba nang le boiphihlelo.

      Mme eo o a nahana.

      3. Nahana ka diphello tsa diqeto tsa hao. Di tla o ama di be di ame le batho ba bang jwang?