1 Likronike
18 Eitse ka mor’a moo Davida a hlasela Bafilista+ a ba hlōla ’me a hapa Gathe+ le metse e itšetlehileng ka eona matsohong a Bafilista. 2 Joale a hlasela Moabe,+ ’me Bamoabe ea e-ba bahlanka ba Davida ba ntšang sethabathaba.+
3 Davida a tsoela pele ho hlasela Hadadezere+ morena oa Zoba+ Hamathe+ ha a ne a il’o hloma taolo ea hae nōkeng ea Eufrate.+ 4 Ho ekelletsa moo, Davida a hapa ho eena likoloi tse sekete le banna ba lipere ba likete tse supileng le banna ba likete tse mashome a mabeli ba tsamaeang ka maoto.+ Joale Davida a khaola mesifa+ ea lipere+ tsohle tse hulang likoloi, empa ho tsona a siea lipere tse lekholo tse hulang likoloi. 5 Eitse ha Syria ea Damaseka e tlil’o thusa Hadadezere morena oa Zoba,+ Davida a qala ho bolaea har’a Basyria banna ba likete tse mashome a mabeli a metso e ’meli. 6 Ka mor’a moo Davida a beha mabotho a lulang setsing sa sesole Syria ea Damaseka,+ ’me Basyria ea e-ba bahlanka ba Davida ba ntšang sethabathaba.+ Jehova a ’na a pholosa Davida kae kapa kae moo a neng a e-ea teng.+ 7 Ho feta moo, Davida a nka lithebe+ tse chitja tsa khauta tse neng li le ho bahlanka ba Hadadezere eaba o li tlisa Jerusalema.+ 8 Davida a nka koporo e ngata haholo Tibathe+ le Kune, metse ea Hadadezere. Solomone a etsa leoatle+ la koporo le litšiea+ le lisebelisoa tsa koporo ka eona.+
9 Ha Tou morena oa Hamathe+ a utloa hore Davida o ne a bolaile lebotho lohle la sesole la Hadadezere+ morena oa Zoba, 10 kapele-pele a romela mora oa hae Hadorame+ ho Morena Davida ho mo botsa hore na o phela joang le ho mo lebohela ka hore ebe o ne a loantšitse Hadadezere hoo a ileng a mo bolaea, (etsoe Hadadezere o ne a koetlisitsoe ntoeng khahlanong le Tou,) ’me o ne a e-na le lintho tsa mefuta eohle tsa khauta le silevera+ le koporo. 11 Le tsona Morena Davida a li halaletsa+ ho Jehova hammoho le silevera le khauta eo a neng a e nkile ho lichaba+ tsohle, ho Edomo le ho Moabe+ le ho bara ba Ammone+ le ho Bafilista+ le ho Baamaleke.+
12 Ha e le Abishai+ mora oa Tseruja,+ a bolaea Baedomo Phuleng ea Letsoai,+ ba likete tse leshome le metso e robeli. 13 Kahoo a beha mabotho a lulang setsing sa sesole Edomo, ’me Baedomo bohle ea e-ba bahlanka ba Davida.+ Jehova a ’na a pholosa Davida kae kapa kae moo a neng a e-ea teng.+ 14 Davida a tsoela pele ho busa Baiseraele bohle,+ ’me o ne a sa khaotse ho etsetsa batho bohle ba hae qeto ea boahloli le ho loka.+ 15 Joabe mora oa Tseruja o ne a okametse lebotho,+ ’me Josafate+ mora oa Akilude e le motlalehi. 16 Tsadoke+ mora oa Akitube le Akimeleke+ mora oa Abiathare e ne e le baprista, ’me Shavsha+ e le mongoli. 17 Benaia+ mora oa Jehojada+ o ne a okametse Bakerethe+ le Bapelethe;+ bara ba Davida e ne e le ba pele ba emang lehlakoreng la morena.+