1 Likronike
24 Joale bara ba Arone ba ne ba e-na le lihlopha tsa bona. Bara ba Arone e ne e le Nadabe+ le Abihu,+ Eleazare+ le Ithamare.+ 2 Leha ho le joalo, Nadabe le Abihu+ ba ile ba shoa pele ho ntat’a bona,+ ’me ba ne ba se na bara, empa Eleazare+ le Ithamare ba tsoela pele ho sebetsa e le baprista. 3 Davida, le Tsadoke+ ea tsoang ho bara ba Eleazare, le Akimeleke+ ea tsoang ho bara ba Ithamare ba ikarola lihlopha bakeng sa mosebetsi oa bona tšebeletsong ea bona.+ 4 Empa bara ba Eleazare ba fumanoa ba le bangata ka palo ea banna ba ka sehloohong ho feta bara ba Ithamare. Kahoo ba ba abela bara ba Eleazare, e le lihlooho bakeng sa malapa a habo ntat’a bona, ba leshome le metso e tšeletseng, le bara ba Ithamare, e le lihlooho tsa matlo a habo ntat’a bona, ba le robeli.
5 Ho ekelletsa moo, ba ba aba ka lotho,+ bana hammoho le bane, etsoe ho ne ho lokela hore ho be le baokameli ba sebaka se halalelang+ le baokameli ba Molimo oa ’nete ba tsoang ho bara ba Eleazare le ba tsoang ho bara ba Ithamare. 6 Joale Shemaia mora oa Nethaniele mongoli+ oa Balevi a ba ngola fatše ka pel’a morena le likhosana le moprista Tsadoke+ le Akimeleke+ mora oa Abiathare+ le lihlooho tsa bo-ntat’a baprista le tsa Balevi,+ ha khethoa lelapa le le leng la habo ntate bakeng sa Eleazare+ ’me ha khethoa le leng bakeng sa Ithamare.+
7 Lotho ea tsoa: ea pele bakeng sa Jehojaribe;+ ea bobeli bakeng sa Jedaia, 8 ea boraro bakeng sa Harime, ea bone bakeng sa Seorime, 9 ea bohlano bakeng sa Malkija, ea botšelela bakeng sa Mijamine, 10 ea bosupa bakeng sa Hakoze, ea borobeli bakeng sa Abija,+ 11 ea borobong bakeng sa Jeshua, ea leshome bakeng sa Shekania, 12 ea leshome le motso o mong bakeng sa Eliashibe, ea leshome le metso e ’meli bakeng sa Jakime, 13 ea leshome le metso e meraro bakeng sa Hupa, ea leshome le metso e mene bakeng sa Jeshebeabe, 14 ea leshome le metso e mehlano bakeng sa Bilga, ea leshome le metso e tšeletseng bakeng sa Imere, 15 ea leshome le metso e supileng bakeng sa Hezire, ea leshome le metso e robeli bakeng sa Hapizeze, 16 ea leshome le metso e robong bakeng sa Pethahia, ea mashome a mabeli bakeng sa Jehezekele, 17 ea mashome a mabeli a motso o mong bakeng sa Jakine, ea mashome a mabeli a metso e ’meli bakeng sa Gamule, 18 ea mashome a mabeli a metso e meraro bakeng sa Delaia, ea mashome a mabeli a metso e mene bakeng sa Mazia.
19 Ena e ne e le mesebetsi+ ea bona bakeng sa tšebeletso+ ea bona, hore ba kene ka tlung ea Jehova ho ea ka tokelo+ ea bona e loketseng ka letsoho la moholo-holo oa bona Arone, feela joalokaha Jehova Molimo oa Iseraele a ne a mo laetse.
20 Ho bara ba Levi ba neng ba setse, ho bara ba Amrame+ e ne e le Shubaele;+ ho bara ba Shubaele, e le Jehdeia; 21 ho Rehabia:+ ho bara ba Rehabia, e le Ishia hlooho; 22 ho Baizehare,+ e le Shelomothe;+ ho bara ba Shelomothe, e le Jahathe; 23 ho bara ba Hebrone,+ e le Jeria+ hlooho, oa bobeli e le Amaria, oa boraro e le Jahaziele, oa bone e le Jekameame. 24 Bara ba Uziele, e le Mikea; ho bara ba Mikea,+ e le Shamire. 25 Mor’abo Mikea e ne e le Ishia; ho bara ba Ishia, e le Zakaria.
26 Bara ba Merari+ e ne e le Maheli+ le Mushi;+ bara ba Jazia, e le Beno. 27 Bara ba Merari: Ho Jazia, e le Beno le Shohame le Zakure le Ibri. 28 Ho Maheli, e le Eleazare, ea sa kang a ba le bara.+ 29 Ho Kishe: bara ba Kishe e ne e le Jeramiele. 30 Bara ba Mushi e ne e le Maheli+ le Edere le Jerimothe.+
Bana e ne e le bara ba Balevi ka malapa a habo ntat’a bona.+ 31 Le bona ba lahla lotho+ hantle feela joalokaha barab’abo bona bara ba Arone ba ne ba entse ka pel’a Morena Davida le Tsadoke le Akimeleke le lihlooho tsa malapa a habo ntat’a baprista le a Balevi. Ha e le malapa a habo ntate,+ ea ka sehloohong o ne a tšoana hantle feela le moen ’ae.