15 Hona joale nka be ke ile ka phahamisa letsoho la ka hore ke otle uena le batho ba hao ka boloetse bo bolaeang ’me u ka be u felisitsoe lefatšeng. 16 Empa ke u bolokile u phela ka lebaka lena: hore ke u bontše matla a ka le hore lebitso la ka le boleloe lefatšeng lohle.+

11 Ke molimo ofe har’a melimo ea joaloka uena, Jehova?+

Ke mang ea joaloka uena, ea halalelang ka ho fetisisa?+

U lokela ho tšajoa le ho rorisoa ka lipina, uena ea etsang lintho tse makatsang.+

10 Jethro a re: “Ho rorisoe Jehova, ea le pholositseng Egepeta le ho Faro, le ea lokolotseng sechaba naheng ea Egepeta e neng e se hateletse. 11 Joale kea tseba hore Jehova o moholo ho feta melimo e meng eohle,+ ka lebaka la seo a se entseng ho ba ileng ba ikhohomosetsa sechaba sa hae.”

9 A re ho bona: “Kea tseba hore Jehova o tla le fa naha ena+ hape re le tšaba haholo.+ Baahi bohle ba naha ba nyahame ka lebaka la lona+ 10 hobane re utloile kamoo Jehova a ileng a le bulela tsela e ommeng Leoatleng le Lefubelu ha le ne le tsoa Egepeta.+ Hape re utloile le seo le ileng la se etsa ho marena a mabeli a Baamore e leng Sihone+ le Oge,+ ao le ileng la a felisa ka lehlakoreng* lane la Jordane.