13 Hang ha le kena motseng, le tla kopana le seboni pele se nyolohela sebakeng se phahameng ho ea ja. Batho ba ke ke ba ja ho fihlela se fihla hobane ke sona se hlohonolofatsang sehlabelo. Ka mor’a moo, ba menngoeng ba ka ja. Kahoo, nyolohang ka potlako ’me le tla se fumana.”

24 Eaba sephehi se nka leoto le nama ea lona ’me se e beha ka pel’a Saule. Samuele a re: “Nama e neng e behiloe ke ena. E je hobane ba ne ba e behetse uena bakeng sa ketsahalo ena. Ke ile ka re ho bona, ‘Ke memme baeti.’” Kahoo, Saule a ja le Samuele letsatsing leo.