9 Ha Morena Tou oa Hamathe a utloa hore Davida o hlotse masole ’ohle a Morena Hadadezere+ oa Zoba,+ 10 hang-hang a romela mora oa hae Hadorame ho Morena Davida hore a e’o utloa hore na o ntse a ea joang le ho mo lebohisa hobane o ne a loantšitse Hadadezere ’me a mo hlotse (kaha Hadadezere o ne a lula a loantša Tou). Hape o ile a mo tlisetsa mefuta eohle ea lintho tsa khauta, tsa silevera le tsa koporo. 11 Morena Davida a nehelana ka* lintho tsena ho Jehova+ hammoho le silevera le khauta tseo a neng a li nkile lichabeng tsohle, ho Edomo le Moabe, Baamone,+ Bafilista+ le ho Baamaleke.+