50 Eaba Abimeleke o ea Thebeze. O ile a hloma litente motseng oa Thebeze, a o loantša ’me a o hapa. 51 Ho ne ho e-na le tora e sirelelitsoeng ka marako bohareng ba motse. Banna le basali bohle hammoho le baeta-pele bohle ba motse ba ne ba balehela moo. Ba ne ba ikoalla ka moo ’me ba hloella holim’a marulelo a tora eo. 52 Joale Abimeleke a ea toreng e le hore a e senye. A ea monyako oa tora eo hore a e chese. 53 Joale e mong oa basali a lahlela tšiloana* hloohong ea Abimeleke ’me a mo pshatla lehata.+