16 Ha a se a le matla, a ikhohomosa ’me sena sa etsa hore a kene mathateng. Ha aa ka a tšepahalla Jehova Molimo oa hae eaba o kena ka tempeleng ea Jehova ho ea chesa libano aletareng.+ 17 Hang-hang moprista Azaria le baprista ba bang ba Jehova ba sebete ba 80 ba mo sala morao. 18 Ba re ho Morena Uzia: “Uzia ha oa lokela ho chesetsa Jehova libano.+ Ke baprista feela ba khethetsoeng ho li chesa hobane ke litloholo tsa Arone.+ Tsoa ka mona ka sehalalelong hobane ha oa tšepahalla Jehova Molimo ebile a ke ke a u tlotlisa.”