16 Empa ba neng ba tsoa botlamuoeng ba etsa seo ho neng ho lumellanoe ka sona. Eaba moprista Esdrase le lihlooho tsa malapa e leng bohle ba neng ba bitsitsoe ka mabitso, ba hlophisa ho kopana e le bona feela ka letsatsi la pele la khoeli ea leshome hore ba hlahlobe taba ena. 17 Ka letsatsi la pele la khoeli ea pele, ba ile ba qeta ho rarolla mathata a banna bohle ba neng ba nyalane le basali bao e seng Baiseraele.