Watchtower ONLINE LIBRARY

Watchtower ONLINE LIBRARY

Sesotho (Lesotho)

Pesaleme 43:3

Bibele—Phetolelo ea Lefatše le Lecha
- 3 Romela leseli la hao le ’nete ea hao.+
  
  E se eka li ka ntataisa.+
  
  E se eka li ka nkisa thabeng ea hao e halalelang le tabernakeleng ea hao e kholo.+

Liproverbia 6:23

Bibele—Phetolelo ea Lefatše le Lecha
- 23 Etsoe taelo ke lebone,+
  Molao ke leseli.+
  Khalemelo le taeo ke tsela e isang bophelong.+

Esaia 51:4

Bibele—Phetolelo ea Lefatše le Lecha
- 4 ’Mameleng, lona batho ba ka,
  Ntšekeheleng tsebe, lona sechaba sa ka.+
  
  Molao o tla tsoa ho ’na.+
  
  Ke tla etsa hore toka ea ka e be leseli ho lichaba.+

Baroma 15:4

Bibele—Phetolelo ea Lefatše le Lecha
- 4 Lintho tsohle tse ileng tsa ngoloa khale li ile tsa ngolloa ho re ruta+ e le hore re be le tšepo. Ha e le hantle,+ Mangolo ao aa re tšelisa ebile a re thusa hore re mamelle.+

2 Timothea 3:16, 17

Bibele—Phetolelo ea Lefatše le Lecha
- 16 Mangolo ’ohle a halalelang a tsoa ho Molimo.+ A molemo hobane aa ruta,+ aa khalemela, a lokisa lintho ebile a laea motho ho ea ka melao ea Molimo e lokileng,+ 17 e le hore mohlanka oa Molimo a ka tšoaneleha ka ho feletseng le hore a be le lintho tsohle tseo a li hlokang bakeng sa ho etsa mosebetsi o mong le o mong o molemo.

2 Petrose 1:19

Bibele—Phetolelo ea Lefatše le Lecha
- 19 Ke kahoo re kholisehileng le ho feta hore boprofeta bo tla phethahala. Le ele hloko boprofeta bona. Mantsoe a boprofeta bona a be joaloka lebone+ le khanyang sebakeng se lefifi e leng lipelong tsa lona. Le a ele hloko ho fihlela letsatsi le chaba le naleli ea meso+ e hlaha.