15 Jehova, ke mang eo e ka bang moeti tenteng ea hao?
Ke mang ea ka lulang thabeng ea hao e halalelang?+
2 Ke ea se nang molato,+
Ea etsang lintho tse lokileng+
Ebile a bua ’nete ka pelong ea hae.+
3 Ha a etselletse ka leleme la hae,+
Ha a etse letho le lebe ho moahisani oa hae+
Ebile ha a bue hampe ka metsoalle ea hae.+
4 Ha a amohele mang kapa mang ea etsang lintho tse mpe+
Empa o hlompha ba tšabang Jehova.
O phethahatsa litšepiso tsa hae le haeba seo se ka etsa hore lintho li se ke tsa mo tsamaela hantle.+
5 Ha a alimane ka chelete ea hae ka phaello+
Ebile ha a nke tjotjo e le hore a qose ea se nang molato.+
Ea etsang lintho tsena a ke ke a sisinngoa le ka mohla.+