• Esaia 11:11, 12
    Bibele—Phetolelo ea Lefatše le Lecha

    • 11 Letsatsing leo, Jehova o tla ithaopela ho bontša matla a hae ka lekhetlo la bobeli, bakeng sa ho lata batho ba hae ba setseng Asiria,+ Egepeta,+ Pathrose,+ Kushe,+ Elame,+ Shinare,* Hamathe le lihlekehlekeng tsa leoatle.+ 12 O tla phahamisetsa lichaba letšoao* ’me a bokelle ba qhalakantsoeng ba Iseraele.+ Ba hasantsoeng ba Juda o tla ba bokella ho tsoa likhutlong tse ’nè tsa lefatše.+

  • Esaia 43:5, 6
    Bibele—Phetolelo ea Lefatše le Lecha

    •  5 U se ke oa tšoha hobane ke na le uena.+

      Ke tla tlisa bana* ba hao ho tsoa bochabela,

      Ke tla le bokella ho tsoa bophirimela.+

       6 Ke tla re ho leboea, ‘Fana ka bona!’+

      Le ho boroa, ‘U se ke oa hana ka bona.

      Tlisa bara ba ka ho tsoa hole le barali ba ka ho tsoa likhutlong tsohle tsa lefatše,+

  • Jeremia 23:7, 8
    Bibele—Phetolelo ea Lefatše le Lecha

    • 7 Jehova o re: “Leha ho le joalo, matsatsi aa tla, ao ka ’ona ba ke keng ba hlola ba re: ‘Re ikana ka Jehova ea phelang, ea ntšitseng batho ba Iseraele naheng ea Egepeta’+ 8 empa ba tla re: ‘Re ikana ka Jehova ea phelang, ea ntšitseng le ea khutlisitseng litloholo tsa Baiseraele naheng e ka leboea le linaheng tsohle tseo a li qhalakanyelitseng ho tsona’ ’me li tla lula naheng ea tsona.”+