• Esdrase 3:8
    Bibele—Phetolelo ea Lefatše le Lecha

    • 8 Ka khoeli ea bobeli selemong sa bobeli ka mor’a hore ba tle ntlong ea Molimo oa ’nete Jerusalema, Zorobabele mora oa Shalatiele, Jeshua mora oa Jozadake le bana ba bo bona ba bang kaofela, baprista, Balevi le bohle ba neng ba tlile Jerusalema ba tsoa botlamuoeng,+ ba qala mosebetsi oa ho haha. Ba ile ba khetha Balevi ba lilemo li 20 ho ea holimo hore e be baokameli ba mosebetsi oa ntlo ea Jehova.

  • Esdrase 3:10
    Bibele—Phetolelo ea Lefatše le Lecha

    • 10 Ka mor’a hore lihahi li etse motheo oa tempele ea Jehova,+ baprista ba ema ba apere liaparo tsa mosebetsi, bona le Balevi ba tšoere literompeta,+ bara ba Asafe ba tšoere lisimbala ’me ba rorisa Jehova ho ea ka taelo ea Morena Davida oa Iseraele.+

  • Esdrase 5:14
    Bibele—Phetolelo ea Lefatše le Lecha

    • 14 Ho ekelletsa moo, Morena Saeruse a ntša lijana tsa khauta le silevera tsa ntlo ea Molimo ka tempeleng ea Babilona tseo Nebukadnezare a ileng a li nka ka nkane tempeleng e Jerusalema ’me a li tlisa tempeleng ea Babilona.+ Li ile tsa fuoa monna ea bitsoang Sheshebazare*+ eo Saeruse a ileng a mo etsa letona.+