41 Ka khoeli ea bosupa, Ishmaele+ mora oa Nethania e leng mora oa Elishama, ea tsoang lelokong la borena ebile e le e mong oa banna ba ka sehloohong ba morena, a tla Mizpa+ ho Gedalia mora oa Akikame hammoho le banna ba bang ba leshome. Ha ba ntse ba ja lijo hammoho moo Mizpa, 2 Ishmaele mora oa Nethania le banna ba leshome ba neng ba e-na le eena ba ema ’me ba bolaea mora oa Akikame e leng Gedalia, setloholo sa Shafane ka sabole. A bolaea monna eo morena oa Babilona a neng a mo behile hore a okamele naha.