• 1 Marena 17:9, 10
    Bibele—Phetolelo ea Lefatše le Lecha

    • 9 “E-ea Sarepta ea Basidone ’me u lule teng. Ke tla laela mosali oa mohlolohali moo hore a u fe lijo.”+ 10 A tsamaea a ea Sarepta. Ha a fihla keiting ea motse, ho ne ho e-na le mosali oa mohlolohali ea ntseng a roalla patsi. Elia a mo hoeletsa a re: “Ke kopa u ntlisetse metsi a manyenyane e le hore ke noe.”+

  • 1 Marena 17:20-23
    Bibele—Phetolelo ea Lefatše le Lecha

    • 20 Elia a rapela Jehova a re: “Jehova Molimo oa ka,+ na u tlisetsa mosali eo oa mohlolohali eo ke lulang le eena tlokotsi ka hore u bolaee mora oa hae?” 21 A paqama holim’a ngoana ka makhetlo a mararo ’me a rapela Jehova a re: “Jehova Molimo oa ka, ke kopa u etse hore ngoana enoa a phele hape.” 22 Jehova a mamela kopo ea Elia+ ’me ngoana a boela a phela.+ 23 Elia a nka ngoana ’me a theoha le eena ho tsoa kamoreng e marulelong a ea ka tlung eaba o mo isa ho ’mè oa hae. Elia a re: “Bona, mora oa hao oa phela.”+

  • 2 Marena 4:13-17
    Bibele—Phetolelo ea Lefatše le Lecha

    • 13 Elisha a re ho Gehazi: “Ke kopa u mo botse hore na joalokaha a iteletse rona,+ nka mo etsetsa’ng.+ Ke mo buelle ho morena+ kapa ho molaoli oa masole?” Empa mosali eo a re: “Che, ke lula ka khotso har’a batho ba heso.” 14 Elisha a re: “A ka etsetsoa’ng?” Gehazi a re: “Ha a na mora+ ebile monna oa hae o tsofetse.” 15 Hang-hang Elisha a re: “Mo bitse.” Gehazi a mo bitsa eaba mosali eo oa tla ’me o ema monyako. 16 Elisha a re: “Selemong se tlang ka eona nako ena u tla be u e-na le mora.”+ Empa mosali eo a re: “U se ke oa nthetsa hle mohlanka oa Molimo oa ’nete.”

      17 Mosali eo a ima ’me a ba le mora selemong se latelang, hantle ka nako eo Elisha a neng a buile ka eona.