46 Ba qala ho ngangisana ka hore na ke mang e moholo har’a bona.+ 47 Kaha Jesu o ne a tseba hore na ba nahana’ng, a nka ngoana e monyenyane a mo emisa pel’a hae 48 eaba o re ho bona: “Mang kapa mang ea amohelang ngoana e monyenyane joaloka enoa ka lebaka la lebitso la ka le ’na oa nkamohela. Mang kapa mang ea nkamohelang o amohela le ea nthomileng.+ Etsoe ea itšoarang joaloka ngoana e monyenyane har’a lona kaofela ke eena e moholo.”+