25 Bildade+ oa Moshuha a re:
2 “Molimo ke ’musi ebile o na le matla a maholo.
O etsa hore ho be le khotso leholimong.
3 Na lihlopha tsa hae tsa masole li na le palo?
Ke bo-mang bao khanya ea hae e sa ba khantšetseng?
4 Na motho e ka ba ea lokileng ho Molimo+
Kapa na motho ea tsoetsoeng ke mosali a ka hloka molato?+
5 Molimo ha a bone khoeli e khanya
Le linaleli ha lia hloeka mahlong a hae.
6 Ho joalo le ka motho eo e leng tšenyane
Le mor’a motho eo e leng seboko.”