Jobo
2 “Na motho o na le molemo ho Molimo?
Na motho leha e le ofe ea bohlale a ka mo tsoela molemo?+
3 Na Ea Matla ’Ohle o na le taba* hore na u lokile
Kapa na ho na le molemo oo a o fumanang haeba u tšepahala?+
4 Na ke ka lebaka la hore oa mo hlompha a ka u fang kotlo
Le ho u isa khotla?
6 U nka lintho ho bana beno e le tebeletso ntle ho lebaka
Ebile u nkela batho liaparo tsa bona ’me u ba siea ba hlobotse.*+
11 Ke ka lebaka leo ho leng lefifi hoo u sa boneng
Le moroallo oa metsi oa u koahela.
12 Na Molimo ha a holimo leholimong?
Bona hore na linaleli tsohle li holimo hakaakang!
13 Empa u itse: ‘Molimo o tseba’ng?
Na a ka ahlola lefifing le letšo-letšo?
15 Na u tla ’ne u latele litsela tsa khale
Tseo batho ba khopo ba tsamaileng ho tsona,
17 Ba ne ba re ho Molimo oa ’nete: ‘Khaohana le rona!’
Ba bile ba re, ‘Ea Matla ’Ohle o re etsa’ng?’
18 Leha ho le joalo, Molimo ke eena ea tlatsitseng lintho tse molemo ka matlung a bona.
(Monahano o khopo joalo ha o eo ho ’na.)
19 Batho ba lokileng ba tla bona sena ’me ba thabe,
Ba se nang molato ba tla ba soma ba re:
20 ‘Bahanyetsi ba rona ba felisitsoe,
Mollo o tla chesa lintho tsa bona tse setseng.’
21 Mo tsebe ’me u tla ba le khotso,
U tla fumana lintho tse ntle.
23 Haeba u khutlela ho Ea Matla ’Ohle, u tla boela u atlehe,+
Haeba u tlosa liketso tse sa lokang tenteng ea hao
24 Haeba u ka lahlela khauta ea hao leroleng
Le khauta ea Ofire+ likhohlong* tse majoe,
25 Ea Matla ’Ohle e tla ba khauta ea hao,
E tla ba silevera ea hao e ntle ka ho fetisisa.
27 U tla mo kopa ka tieo ’me o tla u mamela.
Uena u tla phetha boitlamo ba hao.
28 Lintho tsohle tseo u li etsang li tla atleha
Le litsela tsa hao li tla khanya.
29 U tla tlotlolloa ha u ikhohomosa
Empa Molimo o tla pholosa batho ba ikokobelitseng.
30 O tla pholosa batho ba se nang molato.
Kahoo, haeba matsoho a hao a hloekile, joang kapa joang u tla pholosoa.”