Lipesaleme

43 Nkahlole Molimo oa ka,+

Buella nyeoe ea ka+ ho sechaba se sa tšepahaleng.

Mpholose ho motho ea leshano le ea sa lokang.

2 U Molimo oa ka, sebaka sa ka se sireletsehileng.+

U ntahletse’ng?

Ke hobane’ng ha ke tsamaea ke utloile bohloko hakaale ka lebaka la sera sa ka se nkhateletseng?+

3 Romela leseli la hao le ’nete ea hao.+

E se eka li ka ntataisa.+

E se eka li ka nkisa thabeng ea hao e halalelang le tabernakeleng ea hao e kholo.+

4 Ke tla tla aletareng ea Molimo,+

Ho Molimo ea etsang hore ke thabe haholo.

Molimo oa ka, ke tla u rorisa ka harepa,+ uena Molimo oa ka.

5 Ke hobane’ng ha ke nyahame?

Ke hobane’ng ha ke khathatsehile?

Ke tla emela Molimo,+

Ke tla mo rorisa kaha ke Mopholosi oa ka e Moholo le Molimo oa ka.+