Leqephe la Bobeli

Hoseng ha letsatsi le leng le le leng la beke, masea le bana ba limillione ba banyenyane ba siuoa libakeng tsa tlhokomelo ea bana. Ho bana ba bangata, tsela ea ho tloha hae ho ea sebakeng sa tlhokomelo e bonolo.

Ba tloaetseng tsela ena ba arabela ka lerato—kapa ka mafolofolo. Bana ba qalang ho fihla sebakeng seo ba lla le ho itšoarella ho bo-’ma bona. Leha ho le joalo, mantsoe a tiisetso a seng makae a ’Mè, kamehla a thiba likeleli. Ha ho se joalo, mosebeletsi oa sebaka sa tlhokomelo ea bana o sala a mo tšelisa, hobane basali ba lokela ho ea mosebetsing ebang ngoana oa lla kapa che. ’Me ka lihora tse latelang tse leshome, sebaka sa tlhokomelo ea bana se lokela ho nka sebaka sa ’Mè . . .