Leqephe la Bobeli

Batho ba phetseng hantle ’meleng ba lilemong tsohle ba ka ba le AIDS, koluoa e tšosang e aparetseng lefatše lohle. Libakeng tse ling hona joale ke bothata ba pele bophelong bo botle ba batho ba hōlileng. Mohlomong o tseba e mong ea nang le AIDS.

AIDS (Lefu le Amohetsoeng le Sitisang Tšebetso ea ’Mele ea ho Thibela Mafu) ke boemo boo ho bona kokoana-hloko e senyang tšebetso ea ’mele ea ho itšireletsa mafung, e o etsa hore o se ke oa tseba ho thibela ho tšoaetsoa.

Hona joale AIDS e atile hakae? Hona ho etsahetse joang? Na AIDS e ka thibeloa?