Leqephe la Bobeli

“Hona joale bahlanka ba ’muso Latin America ba hlokomelisa hore naheng e ’ngoe le e ’angoe, litekanyetso tsa bophelo tse senyehang li hlahisa ho hloka tšepo ho qalang ho fana ka pono e mpe ea ho senyeha ha lipolotiki.“—The New York Times, November 29, 1988.

Ka bo-1980, batho ba limillione—bao e neng e se e ntse e le mafutsana—ba bone ho phahama ha litheko ho felisa matla a chelete ea bona ho ea pele. Ho bona, hase taba feela ea ho mamella litšenyehelo tsa bophelo tse phahamang, empa ho e-na le hoo, ke phephetso ea ho finyella litšenyehelo tsa bophelo. Na u hlokometse ho eketseha ha litheko linthong tsa motheo joaloka lijo naheng ea heno? Na ho bonahala mokotlana oa hao oa ho kenya thepa e rekiloeng o ntse o nyenyefala bakeng sa chelete eo u e sebelisitseng ho reka? Joaloka batho ba bang ba bangata, u tseba ho tsoa phihlelong hore litšenyehelo tsa bophelo lia eketseha.

Na ho na le karabo?